കൊരയങ്ങാട് തെരു ഭഗവതി ക്ഷേത്രത്തിലെ ശീവേലി ഭക്തി സാന്ദ്രമായി

കൊയിലാണ്ടി: കൊരയങ്ങാട് തെരു ഭഗവതി ക്ഷേത്രത്തിലെ ശീവേലി ഭക്തി സാന്ദ്രമായി. പുതുതലമുറയിലെ പെൺകുട്ടികളടക്കമുള്ള കൊരയങ്ങാട് ക്ഷേത്രവാദ്യസംഘത്തിലെ കുട്ടികൾ മുതിർന്നവരുടെ മേളപ്രമാണത്തിൽ കൊട്ടി കയറിയത് വാദ്യ പ്രേമികൾക്ക് നവ്യാനുഭവമായി. വൈകീട്ട് സന്തോഷ് കൈലാസിന്റെ മേളപ്രമാണത്തിൽ കാഴ്ചശീവേലി, രാത്രി 7 മണിക്ക് വാദ്യ വിശാരദ്മട്ടന്നൂർ ശ്രീരാജ്മാരാർ, വാദ്യകലാനിധിചിറയ്ക്കൽ നിധീഷ് മാരാർ ചേർന്നൊരുക്കുന്ന ഇരട്ട തായമ്പക, രാത്രി 8 മണിക്ക് മൃദംങ്കം പ്രാദേശിക കലാകാരൻമാർ ഒരുക്കുന്ന വിവിധപരിപാടികൾ, പുലർച്ചെ 2 മണിക്ക് രണ്ട് പന്തി മേളത്തോടെ നാന്ദകം എഴുന്നള്ളിപ്പ്. കാഞ്ഞിലശ്ശേരി പത്മനാഭൻ, സന്തോഷ് കൈലാസിന്റെ മേളപ്രമാണത്തിൽ കൊരയങ്ങാട് ക്ഷേത്ര വാദ്യ സംഘത്തിലെ നൂറിൽപരം കലാകാരൻ അണിനിരക്കും.

ഫിബ്രവരി 1 ന് താലപ്പൊലി. രാവിലെ ആനയൂട്ട്, വൈകുന്നേരം 4 മണിക്ക് കേളികൊട്ട്, 6 മണിക്ക് താലപ്പൊലി എഴുന്നള്ളിപ്പ്, പാണ്ടിമേളത്തോടെ കേരളത്തിലെ പ്രഗൽഭരായ മേളപ്രമാണിമാരും, കൊരയങ്ങാട് ക്ഷേത്ര വാദ്യ സംഘത്തിലെ നൂറിൽപ്പരം കലാകാരൻമാർ നാദ പെരുമഴ തീർക്കും. 7 മണിക്ക് മഞ്ഞ താലപ്പൊലി, കരിമരുന്ന് പ്രയോഗം ഫിബ്രവരി 2 ന് വൈകീട്ട് കുളിച്ചാറാട്ട് ആന്തട്ട ക്ഷേത്രത്തിലെ ചടങ്ങുകൾക്ക് ശേഷം ക്ഷേത്രത്തിലെത്തുന്നതോടെ ഉത്സവം സമാപിക്കും.