പാലക്കാട് ധോണിയിൽ പുലി ആടിനെ ആക്രമിച്ചു
പാലക്കാട് ധോണിയിൽ പുലി ആടിനെ ആക്രമിച്ചു. മേലെ ധോണിയിലെ സുധയുടെ ഉടമസ്ഥതയിലുള്ള ആടിനെയാണ് രാത്രിയിൽ പുലി ആക്രമിച്ചത്. വീടിനോട് ചേർന്ന് കെട്ടിയിരുന്ന ആടിൻ്റെ കഴുത്തിനാണ് പുലിയുടെ കടിയേറ്റത്. പാലക്കാട് ധോണിയിൽ തുടർച്ചയായ മൂന്നാം ദിവസമാണ് ജനവാസ മേഖലയിൽ പുലിയിറങ്ങുന്നത്.
രണ്ട് ദിവസം മുൻപ് ധോണി മായാപുരത്ത് പുലിയിറങ്ങി കോഴിയെ പിടികൂടിയിരുന്നു. കൂടാതെ ഇന്നലെ പ്രദേശത്ത് ഒരു നായയെയും പുലി ആക്രമിച്ചിരുന്നു. പുലിഭീതി ഒഴിവാക്കാൻ പ്രദേശത്ത് പുലിക്കെണി സ്ഥാപിക്കണമെന്നാണ് നാട്ടുകാരുടെ ആവശ്യം.
