കോംപ്കോസ് (KOMPCOS) കൊയിലാണ്ടി ഫെസ്റ്റ് സംഘാടക സമിതി രൂപീകരിച്ചു.
കൊയിലാണ്ടി: കൊയിലാണ്ടി ഫെസ്റ്റ് സംഘാടക സമിതി രൂപീകരിച്ചു. മൾട്ടി പർപ്പസ് കോ-ഓപ്പറേറ്റീവ് സൊസൈറ്റി കോംപ്കോസ് ആഭിമുഖ്യത്തിൽ നടക്കുന്ന കൊയിലാണ്ടി ഫെസ്റ്റ്ൻ്റെ വിജയിപ്പിക്കുന്നതിനായി വിപുലമായ സംഘാടകസമിതിയോഗം ചേർന്നു. ഡിസംബർ 20 മുതൽ ജനുവരി 5 വരെ കൊയിലാണ്ടി മുത്താമ്പി റോഡിൽ റെയിൽവേ പാലത്തിന് സമീപമാണ് ഫെസ്റ്റ് സംഘടിപ്പിക്കുന്നത്.
.
.
കുട്ടികൾക്കും മുതിർന്നവർക്കും ഒരുപോലെ ആസ്വദിക്കാൻ കഴിയുന്ന നിരവധി അമ്യൂസ്മെന്റ് ഉപകരണങ്ങൾ, ഫുഡ് കോർട്ട്, വ്യാപാര സ്റ്റാളുകൾ, ഫാമിലി ഗെയിം, കാർഷിക നഴ്സറി എന്നിവയ്ക്ക് പുറമെ സ്റ്റേജ് പരിപാടികളും ഫെസ്റ്റിന്റെ ഭാഗമായി സംഘടിപ്പിക്കുന്നുണ്ട്. വൈകീട്ട് മൂന്ന് മുതൽ രാത്രി 9.30 വരെ നടക്കുന്ന പ്രദർശനം ജനുവരി അഞ്ച് വരെ തുടരും.
.
.
സംഘാടക സമിതി രൂപീകരണയോഗം ബ്ലോക്ക് പഞ്ചായത്ത് പ്രസിഡണ്ട് പി. ബാബുരാജ് ഉദ്ഘാടനം ചെയ്തു. കോംപ്കോസ് പ്രസിഡണ്ട് അഡ്വ. കെ.സത്യൻ അധ്യക്ഷത വഹിച്ചു. സഹകരണ ആശുപത്രി വൈസ് പ്രസിഡണ്ട് ടി.കെ. ചന്ദ്രൻ, നഗരസഭ സ്റ്റാൻ്റിഗ് കമ്മറ്റി അധ്യക്ഷരായ കെ. ഷിജു, കെ. ഇന്ദിര എന്നിവർ സംസാരിച്ചു. എം. ബാലകൃഷ്ണൻ സ്വാഗതവും ടി മോഹനൻ നന്ദിയും പറഞ്ഞു. ഫെസ്റ്റിൻ്റെ വിജയത്തിനായി ബ്ലോക്ക് പഞ്ചായത്ത് പ്രസിഡണ്ട് പി. ബാബുരാജ് ചെയർമാനും എം. ബാലകൃഷ്ണൻ കൺവീനറുമായി 101 അംഗ കമ്മറ്റി രൂപീകരിച്ചു.
