കോടതിയിൽ ഹാജരാകാതെ മുങ്ങിയ പ്രതി പിടിയിൽ
ചേവായൂർ: ജാമ്യത്തിലിറങ്ങി കോടതിയിൽ ഹാജരാകാതെ എറണാകുളത്തേക്ക് കടന്ന പ്രതി പിടിയിൽ. കാക്കൂർ തറോൽ വീട്ടിൽ പ്രസൂൺകുമാർ (46) ആണ് പിടിയിലായത്. കൺസ്ട്രക്ഷൻ കോൺട്രാക്ടർ ആയിരുന്ന പ്രതി പണമിടപാടുമായി ബന്ധപ്പെട്ട് 2015 ൽ ചേവായൂർ പോലീസ് സ്റ്റേഷനിൽ രജിസ്റ്റർ ചെയ്ത കേസ്സിൽ അറസ്റ്റിലായിരുന്നു.
ജാമ്യത്തിലിറങ്ങിയ ശേഷം കോടതിയിൽ ഹാജരാവാതെ പ്രതി എറണാകുളത്തേക്ക് താമസം മാറുകയൂം, അവിടെ FACT യിൽ ജോലി ചെയ്തു വരികയുമായിരുന്നു. പ്രതി എറണാകുളത്തുണ്ടെന്ന് മനസ്സിലാക്കി ചേവായൂർ പോലീസ് സ്റ്റേഷനിലെ SCPO മാരായ സന്ദീപ് സബാസ്റ്റ്യൻ, രാകേഷ് എന്നിവർ എറണാകുളത്ത് വെച്ച് കസ്റ്റഡിയിൽ എടുക്കുകയും, കോടതിയിൽ ഹാജരാക്കിയ പ്രതിയെ കോടതി റിമാന്റെ് ചെയ്യുകയും ചെയ്തു.
