കിടങ്ങിൽ വീണ പശുവിനു ജീവൻ നഷ്ടമായി
കൊയിലാണ്ടി: കിടങ്ങിൽ വീണ പശുവിനു ജീവൻ നഷ്ടമായി. അരിക്കുളം പഞ്ചായത്തിലെ മാവട്ടത്ത് പീടികയിൽ മീത്തൽ ഷൈമയുടെ പശുവാണ് തൊട്ടടുത്ത പറമ്പിലെ ഉപയോഗ ശൂന്യമായ സെപ്റ്റിക് ടാങ്ക് കുഴിയിൽ വീണ് ജീവൻ നഷ്ടമായത്. വിവരം കിട്ടിയതിനെ തുടർന്ന് കൊയിലാണ്ടി അഗ്നിരക്ഷാസേന സീനിയർ ഫയർ & റെസ്ക്യൂ ഓഫീസർ അനൂപ് ബി കെ യുടെ നേതൃത്വത്തിൽ എത്തുകയും റെസ്ക്യൂ റോപ്പ് ഉപയോഗിച്ച് പശുവിനെ കരയ്ക്ക് എത്തിക്കുകയും ചെയ്തു.
പശുവിന്റെ കഴുത്ത് കുഴിയിലേക്ക് കുത്തിയ നിലയിലായിരുന്നു. ഫയർ ആൻഡ് റസ്ക്യു ഓഫീസർമാരായ ബിനീഷ് കെ, സുകേഷ് കെ ബി, സിജിത്ത് സി, സുജിത് പി, ഹോം ഗാർഡ് രാജേഷ് കെ പി എന്നിവർ രക്ഷാപ്രവർത്തനത്തിൽ ഏർപ്പെട്ടു. പശുവിനെ ആളൊഴിഞ്ഞ പറമ്പിൽ കെട്ടിയിടുമ്പോൾ കെട്ടുന്ന സ്ഥലത്ത് ആൾമറ ഉള്ളതോ ഇല്ലാത്തതുമായ കിണറിനടുത്ത് കെട്ടാതിരിക്കുക. കിടങ്ങുകൾ, ചതുപ്പുകൾ എന്നിവയ്ക്ക് സമീപം കെട്ടാതിരിക്കുക. ചരിഞ്ഞ ഇടങ്ങൾ ഒഴിവാക്കുക. സെപ്റ്റിക് ടാങ്കിനു സമീപം ഒഴിവാക്കുക.
