കൊയിലാണ്ടി നഗരസഭയും കൃഷിഭവനും സംയുക്തമായി കർഷകദിനം ആചരിച്ചു
കൊയിലാണ്ടി നഗരസഭയും കൃഷിഭവനും സംയുക്തമായി കർഷകദിനം ആചരിച്ചു. കർഷകദിന ഉദ്‌ഘാടനവും, കർഷകരെ അദരിക്കലും നിയോജകമണ്ഡലം എം എൽ എ കാനത്തിൽ ജമീല നിർവ്വഹിച്ചു. നഗരസഭാ ചെയർപേഴ്സൺ സുധ കിഴക്കേപ്പാട്ട് അധ്യക്ഷതവഹിച്ചു. ചടങ്ങിൽ വിവിധ മേഖലകളിൽ പ്രാഗൽഭ്യം തെളിയിച്ച മികച്ച കർഷകരെ ആദരിച്ചു.
മുഹമ്മദ് ഷഫീറ മൻസിൽ, ബാലൻ നായർ പുതിയോട്ടിൽ, സിന്ധു ഹിമം, വേലായുധൻ വെള്ളരി കണ്ടത്തിൽ മീത്തൽ, സായി കുമാർ തൊടുവയിൽ, വിദ്യാർത്ഥികളായ ശ്രീദേവി, ശ്രീവിദ്യ കക്രാട്ട്‌ എന്നിവരെയും. മികച്ച കൃഷിക്കൂട്ടമായി മരിഗോൾഡ് കൃഷിക്കൂട്ടത്തെയും ആദരിച്ചു. പച്ചക്കറി വികസന പദ്ധതിയിൽ പച്ചക്കറി തൈകളുടെ വിതരണോദ്‌ഘാടനം വൈസ് ചെയർമാൻ അഡ്വ കെ സത്യൻ നിർവഹിച്ചു.
കർഷകർക്കുള്ള തൈകളുടെ വിതരണം വികസനകാര്യ സ്റ്റാന്റിംഗ് കമ്മിറ്റി ചെയർ പേഴ്സൺ കെ എ ഇന്ദിര ടീച്ചർ നിർവഹിച്ചു. പരിപാടിയിൽ സമൃദ്ധി കൃഷിക്കൂട്ടത്തിന്റെയും ഹരിതം ബിഒ പ്രൊഡക്ടിന്റെയും, ഗ്രാമപ്രഭ എഫ് പി ഓ യുടെയും മൂല്യവർധിത ഉത്പന്നങ്ങൾ പ്രദർശനത്തിനും വില്പനയ്ക്കും ലഭ്യമാക്കിയിരുന്നു. KAICO യുടെ നേതൃത്വത്തിൽ SMAM റജിസ്ട്രേഷനും കർഷകർക്കായി നടത്തി.
കൂടാതെ സഞ്ചരിക്കുന്ന മണ്ണ് പരിശോധന ലാബിന്റെ മണ്ണ് പരിശോധന കാമ്പയിനും നടന്നു. ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ കെ ഷിജുമാസ്റ്റർ കൃഷി അസിസ്റ്റൻ്റ് ഡയറക്ടർ സ്മിത നന്ദിനിക്ക് നൽകി ഉദ്‌ഘാടനം നിർവഹിച്ചു. ചടങ്ങിൽ സ്റ്റാൻിറിംഗ് കമ്മിറ്റി ചെയർമാന്മാരായ പ്രജില സി, നിജില പറവക്കൊടി, കൌൺസിലർമാരായ വി എം സിറാജ്, എൻ ടി രാജീവൻ, കേളോത്ത് വത്സരാജ്, ശ്രീധരൻ നായർ, പി കെ വിശ്വനാഥൻ, ബാലൻ പത്താലത്ത്, വി കെ മുകുന്ദൻ എന്നിവർ സംസാരിച്ചു. കർഷിക വികസന സമിതി അംഗങ്ങളും കർഷകരും ചടങ്ങിൽ സംബന്ധിച്ചു. കൃഷിഓഫീസർ പി വിദ്യ സ്വാഗതവും അസി. കൃഷി ഓഫീസർ രജീഷ് കുമാർ ബി കെ നന്ദിയും പറഞ്ഞു.
