കെവിവിഇഎസ് കൊയിലാണ്ടി യുണിറ്റ്‌ ജനറൽ ബോഡി യോഗവും, ഭരണസമിതി തെരഞ്ഞെടുപ്പും നടന്നു
കൊയിലാണ്ടിയിലെ കടകൾക്ക് മുന്നിൽ സഞ്ചാര സ്വാതന്ത്രം തടഞ്ഞുകൊണ്ട് നിർമ്മിച്ച കമ്പി വേലി അടിയന്തരമായി പൊളിച്ചു മാറ്റണമെന്ന് കേരള വ്യാപാരി വ്യവസായി ഏകോപന സമിതി ആവശ്യപ്പെട്ടു. കൊയിലാണ്ടി പട്ടണത്തിലെ കടകളുടെ മുന്നിൽ സഞ്ചാര സ്വാതന്ത്രം തടഞ്ഞു കൊണ്ട് നിർമിച്ച ഇരുമ്പ് വേലി കാരണം കടയിലേക്ക് ആരും കയറുന്നില്ലെന്നും കച്ചവടമില്ലതെ ഉപജീവനം കഷ്ടത്തിലാണെന്നും ബന്ധപ്പെട്ട അധികൃതർ വേലി പൊളിച്ചു മാറ്റി സഞ്ചാര സ്വാതന്ത്രവും കച്ചവടം നടത്താനുള്ള സാഹചര്യവും പുനഃസ്ഥാപിക്കണമെന്നും യുനിറ്റ്‌ ജനറൽ ബോഡി യോഗം ആവശ്യപ്പെട്ടു.
2024-26 വർഷത്തെ ഭരണ സമിതി തിരഞ്ഞെടുപ്പും നടന്നു. യോഗത്തിൽ യൂണിറ്റ് പ്രസിഡണ്ട് കെ എം രാജീവൻ അധ്യക്ഷത വഹിച്ചു. ജില്ലാ സെക്രട്ടറി മനാഫ് കാപ്പാട് ഉൽഘടനം ചെയ്തു. മുതിർന്ന കച്ചവക്കാരായ ചന്ദ്രൻ നായർ, ബാലകൃഷ്ണൻ സുധാമൃതം, പിപി അഹമ്മദ് എന്നിവരെ ആദരിച്ചു. സത്യസന്ധതക്കുള്ള അവാർഡ് ഷാജു മിൽമ ബൂത്തിനും സമ്മാനിച്ചു. പ്ലസ്‌ടു പരീക്ഷയിൽ റെക്കോർഡ് വിജയം നേടിയ ഫാഹിം മുഹമ്മദ് ഫാറൂഖിനും, ഉന്നതവിജയം നേടിയ ജാബിർ ജലീൽ മൂസക്കും എക്സെലനസ് അവാർഡ് നൽകി.
ജില്ലാ വൈസ് പ്രസിഡണ്ട് മണിയോത്ത് മൂസ മുഖ്യ പ്രഭാഷണം നടത്തി. കെ ടി വിനോദൻ (ജില്ലാ സെക്രട്ടറി), സുകുമാരൻ (മണ്ഡലം പ്രസിഡണ്ട്) തുടങ്ങിയവർ തിരഞ്ഞെടുപ്പിനു നേതൃത്വം നൽകി. ടി പി ഇസ്മായിൽ പ്രമേയം അവതരിപ്പിച്ചു. യൂണിറ്റ് ജനറൽ സെക്രട്ടറി ഫാറൂഖ് സ്വാഗതവും വൈസ് പ്രസിഡണ്ട് റിയാസ് അബൂബക്കർ റിപ്പോർട്ടും, ട്രഷറർ ഷഹീർ ഗ്യാലക്സി വരവ് ചിലവ് കണക്കും അവതരിപ്പിച്ചു.
ഭാരവാഹികൾ കെ എം രാജീവൻ (പ്രസിഡണ്ട്) കെ കെ ഫാറൂഖ് (ജനറൽ സെക്രട്ടറി) ഷഹീർ ഗ്യാലക്സി (ട്രഷറർ) വൈസ് പ്രസിഡണ്ടുമാർ റിയാസ് അബൂബക്കർ, സി കെ ലാലു, പ്രബീഷ് കുമാർ കെ, ജലീൽ മൂസ, സുഹൈൽ കെ എം, സൗമിനി മോഹൻദാസ്, വി പി ലത്തീഫ്, സെക്രട്ടറിമാർ ടി പി ഇസ്മായിൽ, ഗിരീഷ് ഗിരികല, വി കെ ഹാരിഫ്, ഷീബ ശിവാനന്ദൻ, ജെ കെ ഹാഷിം, സൈദ് മലബാർ മൊബൈൽ, ഷൗക്കത്തലി.
മണിയൊത്ത്‌ മൂസ (രക്ഷാധികാരി).
