നിലക്കടല കൃഷി വിളവെടുപ്പ് നടത്തി
നിലക്കടല കൃഷി വിളവെടുപ്പ് നടത്തി. കൊയിലാണ്ടി നഗരസഭ നാലാം വാർഡ് മാരിഗോൾഡ് കൃഷിക്കൂട്ടം നേതൃത്വത്തിൽ ആരംഭിച്ച നിലക്കടല കൃഷി വിളവെടുപ്പ് ഉദ്ഘാടനം നഗരസഭാ ചെയർപേഴ്സൺ സുധ കിഴക്കെപ്പാട്ട് നിർവ്വഹിച്ചു. നഗരസഭ വികസന സ്റ്റാൻഡിംഗ് കമ്മറ്റി ചെയർപേഴ്സൺ ഇന്ദിര ടീച്ചർ അധ്യക്ഷത വഹിച്ചു. കൃഷി ഓഫീസർ പി. വിദ്യ പദ്ധതി വിശദീകരിച്ചു. നഗരസഭ വൈസ് ചെയർമാൻ അഡ്വ കെ. സത്യൻ ആദ്യവിൽപ്പന നടത്തി.
എൻ.കെ. രാജഗോപാലൻ മാസ്റ്റർ, രമ്യ തിരുവലത്ത്, എന്നിവർ ആശംസകൾ നേർന്നു. മാരിഗോൾഡ് കൃഷിക്കൂട്ടം വിളയിച്ച നിലക്കടല കൃഷിക്ക് ലിനീഷ് എം കെ, ബീന രമേശ്, ജിതു രനീഷ്, ബിന്ദു സത്യൻ, അജിത ചന്ദ്രൻ, ശ്രീജ രവി, പുഷ്പ പ്രകാശൻ, രാധ നാരായണൻ എന്നിവർ നേതൃത്വം നൽകി. വാർഡ് കൗൺസിലർ രമേശൻ വലിയാട്ടിൽ സ്വാഗതവും ലിനീഷ് എം കെ നന്ദിയും പറഞ്ഞു.
