കെ ജി ഒ എ കൊയിലാണ്ടി ഏരിയ കമ്മറ്റി ഓഫീസ് ഉദ്ഘാടനം ചെയ്തു
കെ ജി ഒ എ കൊയിലാണ്ടി ഏരിയ കമ്മറ്റി ഓഫീസ് കൊയിലാണ്ടി സാംസ്കാരിക നിലയത്തിൽ പ്രവർത്തനമാരംഭിച്ചു. മുനിസിപ്പാലിറ്റി വൈസ് ചെയർമാൻ അഡ്വ. കെ. സത്യൻ ഉദ്ഘാടനം ചെയ്തു. കെ.ജി.ഒ.എ ഏരിയ പ്രസിഡണ്ട് ഡോ. പ്രഭിത. വി. പി. അധ്യക്ഷതവഹിച്ചു. ജില്ലാ സമ്മേളനത്തോടനുബന്ധിച്ച് ഏപ്രിൽ 3 നു കൊയിലാണ്ടിയിൽ വച്ചു നടക്കുന്ന അനുബന്ധ സെമിനാറിന്റെ സ്വാഗത സംഘം രൂപീകരണ യോഗവും നടന്നു.
ചടങ്ങിൽ കെ ജി ഒ എ സംസ്ഥാന വൈസ് പ്രസിഡണ്ട് പി.പി. സുധാകരൻ, എൻ.ജി.ഒ. യൂണിയൻ ജില്ലാ സെക്രട്ടറിയേറ്റ് അംഗം മിനി. കെ, കെ ജി ഒ എ മുൻ സംസ്ഥാന വൈസ് പ്രസിഡണ്ട് എം.കെ. രാജൻ, കെ.എം.സി.എസ്.യു ജില്ലാ സെക്രട്ടറി ഇ. ബാബു, കെ.ജി.എൻ.എ. ഏരിയ സെക്രട്ടറി ജൂബിലി എന്നിവർ സംസാരിച്ചു. ഏരിയ സെക്രട്ടറി ശ്രീനാഥ്. എ. സ്വാഗതവും ഏരിയ ട്രഷറർ ഗീതാനന്ദൻ. ജി. നന്ദിയും പറഞ്ഞു.
