ഡിസംബര് 21ന് സത്യപ്രതിജ്ഞ. അധ്യക്ഷൻ/ ഉപാധ്യക്ഷൻ/ തെരഞ്ഞെടുപ്പ് 28നും 30നും
തിരുവനന്തപുരം: തദ്ദേശ സ്ഥാപനങ്ങളിലേക്ക് തെരഞ്ഞെടുക്കപ്പെട്ട അംഗങ്ങള് ഡിസംബര് 21ന് സത്യപ്രതിജ്ഞ ചെയ്ത് അധികാരമേല്ക്കണമെന്ന് സംസ്ഥാന തെരഞ്ഞെടുപ്പ് കമീഷന് അറിയിച്ചു. ഗ്രാമ, ബ്ലോക്ക്, ജില്ല പഞ്ചായത്തുകളില് ആദ്യ അംഗത്തെ പ്രതിജ്ഞ ചെയ്യിക്കേണ്ടത് അതത് സ്ഥാപനങ്ങളിലെ ഭരണാധികാരികളാണ്.
മുനിസിപ്പല് കൗണ്സിലുകളില് കമീഷന് നിയോഗിച്ച ഭരണാധികാരികളാണ് പ്രതിജ്ഞ ചെയ്യിപ്പിക്കേണ്ടത്. കോര്പറേഷനുകളില് കലക്ടര്മാര്ക്കാണ് ചുമതല. ഓരോ തദ്ദേശ സ്വയംഭരണ സ്ഥാപനങ്ങളിലേക്കും തെരഞ്ഞെടുക്കപ്പെട്ട അംഗങ്ങളില് ഏറ്റവും പ്രായം കൂടിയ അംഗം/ കൗണ്സിലര് വരണാധികാരി മുമ്പാകെ സത്യപ്രതിജ്ഞയെടുക്കണം. ഇദ്ദേഹമായിരിക്കും മറ്റ് അംഗങ്ങളെ പ്രതിജ്ഞ ചെയ്യിക്കുക.
ഗ്രാമ പഞ്ചായത്ത്, ബ്ലോക്ക് പഞ്ചായത്ത്, ജില്ല പഞ്ചായത്ത്, മുനിസിപ്പല് കൗണ്സിലുകള് എന്നിവിടങ്ങളില് രാവിലെ 10നും കോര്പറേഷനുകളില് 11.30 നുമാണ് സത്യപ്രതിജ്ഞ നടപടികള് ആരംഭിക്കുക. ചടങ്ങ് കഴിഞ്ഞാലുടന് തെരഞ്ഞെടുക്കപ്പെട്ട എല്ലാ അംഗങ്ങളുടെയും യോഗം ആദ്യം പ്രതിജ്ഞ ചെയ്ത അംഗത്തിെന്റ അധ്യക്ഷതയില് േചരണം.
അധ്യക്ഷന്മാരുടെയും ഉപാധ്യക്ഷന്മാരുടെയും തെരഞ്ഞെടുപ്പ് 28നും 30നും
തിരുവനന്തപുരം: ഡിസംബര് 21ന് സത്യപ്രതിജ്ഞ ചെയ്ത് അധികാരമേല്ക്കുന്ന മുനിസിപ്പാലിറ്റികളിലെയും കോര്പറേഷനുകളിലെയും അധ്യക്ഷന്മാരുടെ തെരഞ്ഞെടുപ്പ് ഡിസംബര് 28ന് രാവിലെ 11 നും ഉപാധ്യക്ഷന്മാരുടെ തെരഞ്ഞെടുപ്പ് അന്ന് ഉച്ചക്കുശേഷം രണ്ടിനും നടക്കും.ത്രിതല പഞ്ചായത്തുകളിലെ അധ്യക്ഷന്മാരുടെ തെരഞ്ഞെടുപ്പ് 30ന് രാവിലെ 11 നും ഉപാധ്യക്ഷന്മാരുടെ തെരഞ്ഞെടുപ്പ് അന്ന് ഉച്ചക്കുശേഷം രണ്ടിനും നടക്കും.
ത്രിതല പഞ്ചായത്തുകളിലെ അധ്യക്ഷന്മാരുടെയും ഉപാധ്യക്ഷന്മാരുടെയും തെരഞ്ഞെടുപ്പ് അതത് വരണാധികാരികളും കോര്പറേഷനുകളിലേക്ക് അതത് കലക്ടര്മാരും മുനിസിപ്പാലിറ്റികളില് കമീഷന് നിയോഗിച്ച ഭരണാധികാരികളുമാണ് നടത്തുക.