ബീച്ച് ആസ്പത്രിയും പരിസരവും ശുചീകരിച്ചു
കോഴിക്കോട്: കേരള പോലീസ് അസോസിയേഷന്റേയും കേരള പോലീസ് ഓഫീസേഴ്‌സ് അസോസിയേഷന്റേയും കോഴിക്കോട് സിറ്റി ജില്ലാ കമ്മിറ്റികളുടെ സംയുക്താഭിമുഖ്യത്തില്‍ ഗവ. ജനറല്‍ ഹോസ്പിറ്റലായ ബീച്ച് ആസ്പത്രിയും പരിസരവും ശുചീകരിച്ചു.
കോര്‍പ്പറേഷന്‍ മേയര്‍ തോട്ടത്തില്‍ രവീന്ദ്രന്‍ ശുചീകരണം ഉദ്ഘാടനംചെയ്തു. ഡെപ്യൂട്ടി മേയര്‍ മീരാ ദര്‍ശക്, ജില്ലാ പോലീസ് മേധാവി കാളിരാജ് മഹേഷ് കുമാര്‍, കോര്‍പ്പറേഷന്‍ ആരോഗ്യകാര്യ സ്ഥിരംസമിതി അധ്യക്ഷന്‍ കെ.വി. ബാബുരാജ് തുടങ്ങിയവര്‍ സംബന്ധിച്ചു. 150-ഓളം പോലീസ് ഉദ്യോഗസ്ഥര്‍ ശുചീകരണത്തില്‍ പങ്കാളികളായി. രാവിലെ 7.30-ന് ആരംഭിച്ച ശുചീകരണം 12-മണിയോടെയാണ് അവസാനിച്ചത്.
