പോലീസ് സ്റ്റേഷനില് നിന്ന് രക്ഷപ്പെട്ട പ്രതി 10 ദിവസങ്ങള്ക്ക് ശേഷം പിടിയിലായി
കോഴിക്കോട്: ടൗണ് പോലീസ് സ്റ്റേഷനില് നിന്ന് രക്ഷപ്പെട്ട പ്രതി 10 ദിവസങ്ങള്ക്ക് ശേഷം പിടിയിലായി. നിരവധി കേസുകളില് പ്രതിയായ കക്കയം സ്വദേശി മോളി എന്ന് വിളിക്കുന്ന ഹരീഷാണ് പിടിയിലായത്. പാളയം മാര്ക്കറ്റിലെ ജോലിക്കാരനായ മുഹമ്മദ് അഷറഫിനെ കത്തി ഉപയോഗിച്ച് കുത്തിയ കേസിലും വട്ടംപൊയിലിലെ മീന് കച്ചവടക്കാരനായ മുഹമ്മദ് റാഫിയെ ഇരുമ്പ് കമ്പി കൊണ്ട് അടിച്ച കേസിലും അറസ്റ്റുചെയ്ത പ്രതിയെ ചോദ്യം ചെയ്യാനായി കസ്റ്റഡിയില് എടുത്തപ്പോള് ടൗണ് സ്റ്റേഷനില് നിന്ന് രക്ഷപ്പെടുകയായിരുന്നു.
രക്ഷപ്പെട്ട പ്രതി മൊബൈല് നമ്ബര് മാറ്റി മാഹി, പേരാമ്പ്ര, പാലക്കാട് എന്നിവിടങ്ങളില് ഒളിവില് കഴിയുകയായിരുന്നു. മുതുക്കുറിശ്ശിയില് ഒളിവില് താമസിക്കവെയാണ് പിടിയിലായത്.