ചൈന ഈസ്റ്റേണ് എയര്ലൈന്സിന്റെ എംയു 774 വിമാനം ആകാശച്ചുഴിയില്പ്പെട്ടു
ബെയിജിംഗ്: പാരീസില് നിന്നും ചൈനീസ് നഗരമായ കുമിംഗിലേക്ക് പോയ ചൈന ഈസ്റ്റേണ് എയര്ലൈന്സിന്റെ എംയു 774 വിമാനം ആകാശച്ചുഴിയില്പ്പെട്ടു. 26 യാത്രക്കാര്ക്ക് പരിക്കേറ്റു. ഇവരില് നാലു പേരുടെ നില ഗുരുതരമാണെന്ന് സുന്ഹുവ റിപ്പോര്ട്ട് ചെയ്തു.
വിമാനം രണ്ട് തവണ വലിയ ആകാശച്ചുഴിയില് പെട്ടു. മൂന്ന് തവണ ചെറിയ തോതിലും ഈ അനുഭവം ഉണ്ടായി. ഏതാണ്ട് പത്ത് മിനിറ്റോളം ഇത് നീണ്ടു നിന്നുവെന്നാണ് റിപ്പോര്ട്ട്. ആടി ഉലഞ്ഞ വിമാനത്തില് സഞ്ചരിച്ച യാത്രക്കാര്ക്ക് ഓടിവും ചതവും ഉണ്ടായി. പരിക്കേറ്റ യാത്രക്കാര്ക്ക് ആവശ്യമായ വൈദ്യസഹായം നല്കിയതായി ചൈന ഈസ്റ്റേണ് എയര്ലൈന്സ് ഔദ്യോഗിക വെബ്സൈറ്റിലൂടെ അറിയിച്ചു.
നേരത്തെ, ജൂണ് 11 സിഡ്നിയില് നിന്ന് ഷാംഗ്ഹായിലേക്ക് പോയ ചൈന ഈസ്റ്റേണ് എയര്ലൈന്സ് വിമാനവും അപകടത്തില് നിന്ന് രക്ഷപ്പെട്ടിരുന്നു. യന്ത്രത്തകരാറുണ്ടായ വിമാനം പൈലറ്റ് സുരക്ഷിതമായി തിരിച്ചിറക്കുകയായിരുന്നു.