അറക്കല്‍ ബീവി അന്തരിച്ചു
തലശേരി: കേരളത്തിലെ മുസ്‌ലിം രാജവംശമായ അറക്കല്‍ സ്വരൂപത്തിലെ നിലവിലെ സുല്‍ത്താന (അറക്കല്‍ ബീവി) ആദിരാജ സുല്‍ത്താന സൈനബ ആയിഷബി (92) അന്തരിച്ചു. വാര്‍ധക്യസഹജമായ അസുഖത്തെ തുടര്‍ന്ന് പുലര്‍ച്ചെ ആറിന് തലശേരി ടൗണ്‍ഹാളിനു സമീപത്തെ അറക്കല്‍ ആദിരാജാസില്‍ വച്ചായിരുന്നു അന്ത്യം. സംസ്കാരം ഇന്നു വൈകുന്നേരം നാലിന് ഓടത്തില്‍പള്ളി കബര്‍സ്ഥാനില്‍.
2006-ലാണ് ഇവര്‍ അറക്കല്‍ ബീവിയായി പദവിയേറ്റെടുത്തത്. 37-ാം അറയ്ക്കല്‍ ബീവിയാണ് അന്തരിച്ച ആദിരാജ സുല്‍ത്താന സൈനബ ആയിഷബി. ഭര്‍ത്താവ്: പരേതനായ സി.ഒ. മൊയ്തു കേയി.
മക്കള്‍: ആദിരാജ സഹീദ, ആദിരാജ മുഹമ്മദ് സാദിഖ്, ആദിരാജ മുഹമ്മദ് റാഫി, ആദാരാജ മുഹമ്മദ് ഷംസീര്‍, പരേതനായ ആദിരാജ മുഹമ്മദ് റഹൂഫ്. മരുമക്കള്‍: സാഹിറ, സാജിദ, നസീമ, ആനിഫ, പരേതനായ എ.പി.എം. മൊയ്തു.
