അപകീര്ത്തി കേസില് രാഹുല് ഗാന്ധിക്ക് ജാമ്യം
ബെംഗളൂരു: അപകീര്ത്തി കേസില് രാഹുല് ഗാന്ധിക്ക് ജാമ്യം. ബെംഗളൂരുവിലെ പ്രത്യേക കോടതിയാണ് കോണ്ഗ്രസ് നേതാവ് രാഹുല് ഗാന്ധിക്ക് കേസില് ജാമ്യം അനുവദിച്ചത്. നിയമസഭ തെരഞ്ഞെടുപ്പിനിടെ കര്ണാടകയിലെ ബസവരാജ് ബൊമ്മൈയുടെ നേതൃത്വത്തിലുള്ള ബിജെപി സര്ക്കാരിനെതിരായിരുന്നു രാഹുല് ഗാന്ധിയുടെ ആരോപണം. സിദ്ധരാമയ്യക്കും ഡികെ ശിവകുറമാറിനും കേസില് പ്രതികളായിരുന്ന ഇവര്ക്ക് കഴിഞ്ഞ ദിവസം ബെംഗളൂരു സിറ്റി സിവില് ആന്ഡ് സെഷന്സ് കോടതി ജാമ്യം അനുവദിച്ചിരുന്നു.
അന്ന് രാഹുല് ഹാജരാകാതെ ഇരുന്നതിനാല് 7-ന് ഹാജരാകാന് സമന്സ് അയക്കുകയായിരുന്നു. തുടര്ന്നാണ് ഇന്ന് രാവിലെ രാഹുല് ഗാന്ധി ബെംഗളൂരുവിലെ കോടതിയില് ഹാജരായത്. ബെംഗളൂരുവിലെത്തിയ രാഹുല് ഗാന്ധിയുമായി മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡികെ ശിവകുമാര് എന്നിവര് കൂടിക്കാഴ്ച നടത്തിയിരുന്നു.
