ടെലിഗ്രാം വഴി വൻ തട്ടിപ്പ്; 32 ലക്ഷം രൂപ തട്ടിയ 21കാരൻ പിടിയിൽ
ടെലിഗ്രാം വഴി വൻ തട്ടിപ്പ് നടത്തിയ ഇരുപത്തൊന്നുകാരൻ പിടിയിൽ. മട്ടാഞ്ചേരി മണ്ണാറത്ത് അബ്ദുൽ ഫത്താഫ് ആണ് കോഴിക്കോട് സൈബർ പോലീസിൻ്റെ പിടിയിലായത്. 32 ലക്ഷം രൂപയാണ് പ്രതി തട്ടിയെടുത്തത്. തട്ടിപ്പ് നടത്തിയ പണത്തിൽ നിന്ന് 4.5 ലക്ഷം മുബൈയിലെ അക്കൗണ്ടിലേക്ക് അയച്ചതായി കണ്ടെത്തി. 12.5 ലക്ഷം കുന്നമംഗലത്തെ സ്വകാര്യ ബാങ്ക് അക്കൗണ്ടിൽ എത്തിയതായും പോലീസ് കണ്ടെത്തി
സൈബർ സ്റ്റേഷൻ IP കെ കെ ആഗേഷിന്റെ നേതൃത്വത്തിലുള്ള സംഘമാണ് വൻ തട്ടിപ്പ് പിടികൂടിയത്. ജോലി വാഗ്ദാനം ചെയ്തുകൊണ്ടാണ് തട്ടിപ്പ് നടത്തിയത്. ടെലിഗ്രാമില് പാര്ട്ട് ടൈം ജോലി വാഗ്ദാനം ചെയ്തുകൊണ്ടുള്ള ലിങ്ക് പ്രചരിപ്പിച്ചുകൊണ്ടായിരുന്നു പ്രതി പണം തട്ടിയിരുന്നത്. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
