പിഎസ്‍സി ആസ്ഥാനത്ത് നടത്താനിരുന്ന അഭിമുഖ പരീക്ഷ മാറ്റി

കോഴിക്കോട്: നിപ വൈറസ് മുന്‍കരുതലിന്‍റെ ഭാഗമായി ഈ മാസം ആറ് മുതല്‍ 13 വരെ പട്ടം പിഎസ്‍സി ആസ്ഥാനത്ത് നടത്താനിരുന്ന അഭിമുഖ പരീക്ഷ മാറ്റി. ഈ മാസം 6, 7, 8 തിയതികളില്‍ കോഴിക്കോട് മേഖല ഓഫീസില്‍ നടത്താനിരുന്ന അഭിമുഖവും മാറ്റി.

അതേസമയം ജില്ലയിലെ സ്കൂളുകള്‍ തുറക്കുന്നത് 12 വരെ നീട്ടി.പ്രൊഫെഷണല്‍ കോളേജുകള്‍ ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങളും 12നാണ് തുറക്കുക. നേരത്തെ സ്കൂള്‍ തുറക്കുന്നത് അഞ്ചാം തിയ്യതി വരെ നീട്ടിയിരുന്നു. അതേസമയം സ്കൂളുകള്‍ തുറക്കുന്നതിനു മുമ്ബ് വിദ്യാര്‍ഥികളെ ബോധവല്‍ക്കരിക്കാനും ആരോഗ്യവകുപ്പ് നടപടികള്‍ തുടങ്ങി.