‘വി ഡി സതീശനെ മുഖ്യമന്ത്രിയാക്കണം’; ദേഹത്ത് പെട്രോള് ഒഴിച്ച് കോണ്ഗ്രസ് പ്രവര്ത്തകന്റെ പ്രതിഷേധം
.
കോട്ടയം: വി ഡി സതീശനെ മുഖ്യമന്ത്രിയാക്കണമെന്ന് ആവശ്യപ്പെട്ട് ദേഹത്ത് പെട്രോള് ഒഴിച്ച് കോണ്ഗ്രസ് പ്രവര്ത്തകന്റെ പ്രതിഷേധം. കോട്ടയം കുറുപ്പതറയിലാണ് സംഭവം. പെട്രോള് ദേഹത്തൊഴിച്ച് ലൈറ്ററുമായി നിന്നായിരുന്നു പ്രതിഷേധം. കോണ്ഗ്രസ് പ്രവര്ത്തകന് കുറുപ്പന്ത സ്വദേശി ഫ്രാന്സിസ് ആണ് ജീവന്പോലും അപകടത്തിലാക്കി പ്രതിഷേധം സംഘടിപ്പിച്ചത്. ഞായറാഴ്ച എഐസിസി പ്രസ്ഥാനത്തില് നിന്നും വി ഡി സതീശന്റെ പേരല്ല വരുന്നതെങ്കില് ഇവിടെ നൂറുകണക്കിന് ജനം തെരുവില് കത്തി ചാമ്പലാവും. അത് ഓര്ത്താല് മതി എന്ന് ഫ്രാന്സിസ് പറഞ്ഞു.
വി ഡി സതീശനെ മുഖ്യമന്ത്രിയാക്കണം. അതിനാണ് താൻ വോട്ട് ചെയ്തതെന്നും ഫ്രാന്സിസ് പറഞ്ഞു. ഫ്രാന്സിസിനെ പൊലീസ് അനുനയിപ്പിച്ച് കസ്റ്റഡിയിലെടുത്തു. സംസ്ഥാനത്തിന്റെ വിവിധ ഭാഗങ്ങളിലായി കെ സി വേണുഗോപാലിനെയും വി ഡി സതീശനെയും പിന്തുണച്ച് ഫ്ളക്സുകൾ ഉയരുന്നതിന് ഇടയിലാണ് വേറിട്ട രീതിയിലുള്ള പ്രതിഷേധം കോട്ടയത്ത് നടന്നത്.
