ഭിന്ന ശേഷിക്കാർക്ക് പെൻഷൻകാരുടെ കരുതൽ
കൊയിലാണ്ടി: അഭയം ചേമഞ്ചേരിയിലെ ഭിന്നശേഷിക്കാർക്ക് കൈത്താങ്ങായി പെൻഷനേഴ്സ് കൂട്ടായ്മ. ഒരു മാസത്തെ ഭക്ഷണച്ചെലവ് കെ എസ് എസ് പിയു പന്തലായനി ബ്ലോക്ക് കമ്മിറ്റി ഏറ്റെടുത്തു. തുടർച്ചയായി രണ്ടാം വർഷമാണ് കെ എസ് എസ് പിയു പന്തലായനി ബ്ലോക്ക് കമ്മിറ്റി അഭയം സ്കൂളിലെ ഒരു മസത്തെ ഭക്ഷണച്ചെലവ് ഏറ്റെടുക്കുന്നത്.
.
.
പ്രതിദിനം 5000 രൂപ നിരക്കിൽ ഒരു ലക്ഷം രൂപ ഇതിനായി അഭയം സ്കൂളിലേക്ക് കൈമാറി. പരിപാടിയുടെ ഉദ്ഘാടനം അഭയം ഓഡിറ്റോറിയത്തിൽ പന്തലായനി ബ്ലോക്ക് കമ്മിറ്റി പ്രസിഡണ്ട് എൻ.കെ.കെ. മാരാർ ഉദ്ഘാടനം ചെയ്തു. മുസ്തഫ ഒലീവ് അധ്യക്ഷത വഹിച്ചു.
.
സംസ്ഥാന സമിതി അംഗം ടി.വി. ഗിരിജ മുഖ്യ പ്രഭാഷണം നടത്തി. പന്തലായനി ബ്ലോക്ക് കമ്മിറ്റി സെകട്ടറി സുരേന്ദ്രൻ മാസ്റ്റർ, ചേനോത്ത് ഭാസ്കരൻ, വി.എം. ലീല ടീച്ചർ, വേണുഗോപാലൻ ചെങ്ങോട്ടുകാവ്, എൻ. വി. സദാനന്ദൻ, പ്രിൻസിപ്പാൾ ബിദ ടീച്ചർ സംസാരിച്ചു.
