സാക്ഷരതാ ദിനത്തിൽ തുല്യതാ പഠിതാക്കളെ ആദരിച്ചു
പയ്യോളി: പയ്യോളി നഗരസഭാ സാക്ഷരതാ സമിതിയുടെ ആഭിമുഖ്യത്തിൽ സാക്ഷരതാ ദിനത്തിൽ തുല്യതാ പഠിതാക്കളെ ആദരിച്ചു. നഗരസഭാ ചെയർമാൻ ഉദ്ഘാടനം ചെയ്തു. തുല്യതാ പരീക്ഷയിൽ വിജയിച്ചവർക്ക് സർട്ടിഫിക്കറ്റ് വിതരണവും നടത്തി. വൈസ് ചെയർപേഴ്സൻ പദ്മശ്രീ പള്ളിവളപ്പിൽ അധ്യക്ഷത വഹിച്ചു.
സ്റ്റാൻഡിങ് കമ്മിറ്റി ചെയർമാന്മാരായ അഷ്‌റഫ്‌ കോട്ടക്കൽ, പി എം ഹരിദാസൻ, ഷെജ്മിന, കൗൺസിലർ മാരായ അരവിന്ദാക്ഷൻ, ചെറിയാവി സുരേഷ് ബാബു, സാക്ഷരതാ സമിതി അംഗം പി എം അഷ്‌റഫ്‌, പ്രേരക് മാരായ ഷൈജ, മിനി എന്നിവർ സംസാരിച്ചു.
