വയനാട്ടിൽ കുത്തേറ്റ് ചികിത്സയിലായിരുന്ന യുവാവ് മരിച്ചു

കൽപ്പറ്റ: വയനാട്ടിൽ കുത്തേറ്റ് ചികിത്സയിലായിരുന്ന യുവാവ് മരിച്ചു. പുൽപ്പള്ളി ഗാന്ധിനഗർ സ്വദേശി റിയാസ് (24) ആണ് മരിച്ചത്. ഇന്നലെ രാത്രിയായിരുന്നു സംഭവം. സുഹൃത്തുക്കളുമായുള്ള മദ്യപാനത്തിനിടെയാണ് റിയാസിന് കുത്തേറ്റത്. മദ്യപാനത്തിനിടെ വാക്കുതർക്കമുണ്ടാവുകയായിരുന്നുവെന്നാണ് വിവരം. റിയാസിന് നിരവധി തവണ കുത്തേറ്റു. ​ഗുരുതരമായി പരിക്കേറ്റതിനെത്തുടർന്ന് മെഡിക്കൽ കോളേജിൽ ചികിത്സയിലായിരുന്നു.