മേപ്പയ്യൂർ ടൗണിലെ സീബ്രാ ലൈനുകൾ പുന:സ്ഥാപിക്കണം; ബ്ലൂമിംഗ് ആർട്സ്

മേപ്പയ്യൂർ: മേപ്പയൂർ ടൗണിൽ വിവിധ ഭാഗങ്ങളിലെ സീബ്രാ ലൈനുകൾ മാഞ്ഞുപോയത് കാരണം സ്കൂൾ വിദ്യാർത്ഥികൾ, പ്രായമുള്ളവർ, സ്ത്രീകൾ എന്നിവർക്കെല്ലാം ഏറെ പ്രയാസം നേരിടുന്നുവെന്നും, അടിയന്തിരമായി സീബ്രാ ലൈനുകൾ പുന:സ്ഥാപിക്കാൻ ആവശ്യമായ നടപടി സ്വീകരിക്കണമെന്നും ബ്ലൂമിംഗ് ആർട്സ് പ്രവർത്തക സമിതി യോഗം പ്രമേയത്തിലൂടെ ആവശ്യപ്പെട്ടു.

പ്രസിഡണ്ട് ഷബീർ ജന്നത്ത് അധ്യക്ഷത വഹിച്ചു. സെക്രട്ടറി പി.കെ. അബ്ദുറഹ്മാൻ, കെ.എം. സുരേഷ്, കെ.പി. രാമചന്ദ്രൻ, കെ. ശ്രീധരൻ, ബി. അശ്വിൻ, വിജീഷ് ചോതയോത്ത്, സി. നാരായണൻ, എസ്.എസ്. അതുൽ കൃഷ്ണ എന്നിവർ പ്രസംഗിച്ചു.