കൊരയങ്ങാട് കലാക്ഷേത്രത്തിൽ നവരാത്രി ആഘോഷത്തിൻ്റെ ഭാഗമായി നടന്ന സംഗീത കച്ചേരിയും നൃത്തങ്ങളും ശ്രദ്ധേയമായി
കൊയിലാണ്ടി: കൊരയങ്ങാട് കലാക്ഷേത്രത്തിൽ നവരാത്രി ആഘോഷത്തിൻ്റെ ഭാഗമായി നടന്ന സംഗീത കച്ചേരിയും, നൃത്തങ്ങളും ശ്രദ്ധേയമായി. നിലവിളക്ക് തെളിയിച്ചാണ് ഉദ്ഘാടന ച്ചടങ്ങുകൾ ആരംഭിച്ചത്. പി.പി.സുധീർ, കൗൺസിലർ മനോജ് പയറ്റുവളപ്പിൽ, സുകന്യ ബാബു, സന്ധ്യാ ഷാജു, ഷിൽക്ക അമിത്. പ്രബീഷ്, പി.കെ.സുമിത് എന്നിവർ നേതൃത്വം നൽകി. സംഗീത അദ്ധ്യാപിക ദീപാ സുനിൽ ഓർക്കാട്ടേരിയുടെ നേതൃത്വത്തിലായിരുന്നു സംഗീതാർച്ചന.
ആര്യാദാസിൻ്റെ നേതൃത്വത്തിൽ സെമി ക്ലാസിക്കൽ നൃത്തം അരങ്ങേറി. ഗിന്നസ് ബുക്ക് ജേതാവ് പെരിങ്ങോട് സുബ്രമണ്യൻ നൃത്ത വിദ്യാർത്ഥികളുടെ നവരസഭാവങ്ങൾ ഇടയ്ക്കയിൽ സന്നിവേശിപ്പിച്ചത് കലാസ്വാദകർക്ക് വേറിട്ട അനുഭവമായി മാറി. വേദിയിൽ ജാനു ഏടത്തിയും, കേളപേട്ടനു സദസ്സിൽ നർമ്മം വിതറി സദസ്സിനെ ഇളക്കിമറിച്ചു. വിഷ്ണു അശോകിൻ്റെ വയലിൻ ഫ്യൂഷനും കലാസ്വാദകർക്ക് വേറിട്ട അനുഭവമായി മാറി. പുതിയ ക്ലാസിലെക്കുള്ള അഡ്മിഷൻ തുടരുന്നു.
