ആർഎസ്എസ് അക്രമത്തിനെതിരെ ഇന്ന് കൊല്ലത്ത് ഡിവൈഎഫ്ഐ പ്രതിഷേധ പ്രകടനം
കൊയിലാണ്ടി: ആർഎസ്എസ് അക്രമത്തിനെതിരെ ഇന്ന് കൊല്ലത്ത് ഡിവൈഎഫ്ഐ പ്രതിഷേധ പ്രകടനം. വിവാഹ സൽക്കാരം നടക്കുന്ന ഓഡിറ്റോറിയത്തിലെത്തിയെ ഡിവൈഎഫ്ഐ നേതാക്കളെ പതിയിരുന്ന് അക്രമിച്ച് ഗുരുതരമായി പരിക്കേറ്റ സംഭവത്തിൽ ഇന്ന് കൊല്ലത്ത് ഡിവൈഎഫ്ഐ പ്രതിഷേധ പ്രകടനം നടത്തും. വൈകീട്ട് 5 മണിക്കാണ് മേഖാല കമ്മിററിയുടെ നേതൃത്വത്തിൽ പ്രകടനം. ഇന്നലെ രാത്രി 9 മണിയോടുകൂടിയാണ് പിഷാരികാവ് ക്ഷേത്ര കവാടത്തിന് മുമ്പിലുള്ള ഗായത്രി ഓഡിറ്റോറിയത്തിൽ സിപിഐഎം പ്രവർത്തകൻ്റെ മകൻ്റെ വിവാഹ സൽക്കാരം നടക്കുന്നതിനിടെ ആർഎസ്എസ് അക്രമം നടത്തിയത്.
മേഖലാ സെക്രട്ടറി വൈശഖ്, പ്രസിഡണ്ട് അർജുൻ, വിനീഷ് എന്നിവർക്കാണ് അക്രമത്തിൽ ഗുരുതരമായി പരിക്കേറ്റത്. ഇവരെ കൊയിലാണ്ടി താലൂക്കാശുപത്രിയിൽ എത്തിത്തിക്കുകയും പരിക്ക് ഗുരുതരമായതിനാൽ മെഡിക്കൽ കോളജിലേക്ക് മാറ്റുകയുമായിരുന്നു. വൈശാഖിന് തലക്ക് മാരകമായി പരിക്കേറ്റു. രാത്രിതന്നെ അടിയന്തര ശസ്ത്രക്രിയക്ക് വിധേയമാക്കിയിട്ടുണ്ട്.
സിപിഐഎം പ്രവർത്തകൻ്റെ മകൻ്റെ വിവാഹമായതിനാൽ കൊയിലാണ്ടി മേഖലയിലെ സിപിഐ(എം), ഡിവൈഎഫ്ഐ നേതാക്കളും പ്രവർത്തകരും വിവാഹ സൽക്കാരത്തിൽ പങ്കെടുക്കും എന്ന് കൃത്യമായ മനസിലാക്കി ആസൂത്രിതമായ അക്രമമാണ് നടത്തിയതെന്ന് ഡിവൈഎഫ്ഐ കൊയിലാണ്ടി ബ്ലോക്ക് കമ്മിറ്റിയും, സിപിഐ(എം) കൊല്ലം ലോക്കൽ കമ്മിറ്റിയും പറഞ്ഞു. കുറ്റക്കാർക്കതിരെ കർശന നടപടിയെടുക്കാൻ പോലീസ് തയ്യാറാകണമെന്നും ഇരു കമ്മിറ്റകളം ആവശ്യപ്പെട്ടു. സംഭവത്തിൽ ശക്തമായ പ്രതിഷേധം രേഖപ്പെടുത്തി.
