കൊയിലാണ്ടി ഉപജില്ല സ്കൂൾ ശാസ്ത്രോത്സവം പി ബാബുരാജ് ഉദ്ഘാടനം ചെയ്തു
കൊയിലാണ്ടി ഉപജില്ല സ്കൂൾ ശാസ്ത്രോത്സവം ബ്ലോക്ക്‌ പഞ്ചായത്ത് പ്രസിഡണ്ട് പി ബാബുരാജ് ഉദ്ഘാടനം ചെയ്തു. കൊയിലാണ്ടി നഗരസഭ ചെയർപേഴ്സണൽ സുധ കിഴക്കെപ്പാട്ട് അധ്യക്ഷത വഹിച്ചു. ഒക്ടോബർ 25, 26 തീയതികളിൽ ജിഎച്ച്എസ്എസ് പന്തലായനിയിൽ വെച്ചാണ് നടത്തുന്നത്. ഉപജില്ലാ വിദ്യാഭ്യാസ ഓഫീസർ എ പി ഗിരീഷ് കുമാർ മേള വിശദീകരണം നൽകി.
ചടങ്ങിൽ ചേമഞ്ചേരി പഞ്ചായത്ത് പ്രസിഡണ്ട് സതി കിഴക്കയിൽ, സ്റ്റാൻഡിങ് കമ്മിറ്റി ചെയർപേഴ്സൺ മാരായ നിജില പറവക്കൊടി, കെ ഇന്ദിര, പ്രജില സി, പ്രജിഷ കെ, പിടിഎ പ്രസിഡണ്ട് സുരേഷ് ബാബു, ബിപിസി ദീപ്തി ഇ പി എന്നിവർ സംസാരിച്ചു. എ പി പ്രബീത് സ്വാഗതവും സി കെ ബാലകൃഷ്ണൻ നന്ദിയും പറഞ്ഞു.
