കൊയിലാണ്ടി താലൂക്ക് ലൈബ്രറി കൗൺസിൽ വായനോത്സവം സംഘടിപ്പിച്ചു
കൊയിലാണ്ടി താലൂക്ക് ലൈബ്രറി കൗൺസിൽ അഖില കേരള വായനോത്സവം സംഘടിപ്പപിച്ചു. കൊയിലാണ്ടി ഗവൺമെന്റ് വൊക്കേഷണൽ ഹയർ സെക്കൻഡറി സ്കൂളിൽ നടന്ന പരിപാടി മുൻസിപ്പൽ വൈസ് ചെയർമാൻ അഡ്വ. കെ സത്യൻ ഉദ്ഘാടനം ചെയ്തു. കെ പി രാധാകൃഷ്ണൻ അധ്യക്ഷത വഹിച്ചു. വിവിധ ഹൈസ്കൂളിൽ നടന്ന മത്സരത്തിൽ വിജയിച്ച കുട്ടികളും ലൈബ്രറികളുടെ നേതൃത്വത്തിൽ നടത്തിയ മുതിർന്നവരുടെ മത്സരത്തിൽ വിജയിച്ചവരുമാണ് വായന മത്സരത്തിൽ പങ്കെടുത്തത്.
സംസ്ഥാന കൗൺസിൽ അംഗം സി കുഞ്ഞമ്മദ്, കെ ദാമോദരൻ, കെ എ ഇന്ദിര ടീച്ചർ, എൻ ടി മനോജ് എന്നിവർ സംസാരിച്ചു. ചീഫ് ഇൻവിജുലേറ്റർ പി ശ്രീജിത്ത് വിശദീകരണം നടത്തി. കെ വി രാജൻ സ്വാഗതവും, എൻ വി ബാലൻ നന്ദിയും പറഞ്ഞു.
