ഡിജിറ്റൽ പേയ്മെൻ്റിലേക്ക് കടന്ന് കെ. എസ്. ആർ. ടി. സി.
തിരുവനന്തപുരം: ഡിജിറ്റൽ പേയ്മെൻ്റിലേക്ക് കടന്ന് കെ. എസ്. ആർ. ടി. സി. ഇനി മുതൽ ടിക്കറ്റ് തുക ഫോൺപേയിലൂടെ നൽകാം. ചില്ലറയെ ചൊല്ലിയുള്ള തർക്കത്തിനും ബാലൻസ് കിട്ടിയില്ലന്ന പരാതിയ്ക്കും ഇതു വഴി പരിഹാരമാവും. ബുധനാഴ്ച മുതൽ പുതിയ സംവിധാനം നിലവിൽ വരും.
ബസിനുള്ളിൽ ഒട്ടിച്ചിരിക്കുന്ന ക്യൂ ആർ കോഡ് സ്കാൻ ചെയ്താണ് ടിക്കറ്റ് തുക നൽകേണ്ടത്. പണം അടച്ച മെസേജ് കണ്ടക്ടറെ കാണിച്ച് ബോധ്യപ്പെടുത്തിയാൽ മതി. പദ്ധതിയുടെ ഔദ്യോഗിക ഉദ്ഘാടനം ഗതാഗതി മന്ത്രി ആൻ്റണി രാജു നിർവഹിച്ചു.
