കൊടിയത്തൂരിൽ യുവാവിന് വെട്ടേറ്റു
കൊടിയത്തൂര്: കുളങ്ങരയില് യുവാവിന് വെട്ടേറ്റു. കൊടിയത്തൂര് സ്വദേശി പി.പി. സിയാഉല് ഹഖിനാണ് വെട്ടേറ്റത്. ചൊവ്വാഴ്ച രാവിലെ 9.30ഓടെയാണ് സംഭവം. സംഭവവുമായി ബന്ധപ്പെട്ട് കൂടത്തായി സ്വദേശി ശിഹാബുദ്ദീന് പിടിയിലായി. കൃത്യം നടത്തിയശേഷം സ്വന്തം കാറില് രക്ഷപ്പെടുന്നതിനിടെ പൊലീസ് അതിസാഹസികമായി പിടികൂടുകയായിരുന്നു.
സിയാഉള് ഹഖും പ്രതി ശിഹാബുദ്ദീനും തമ്മില് പണമിടപാടുമായി ബന്ധപ്പെട്ട തര്ക്കമാണ് അക്രമത്തിന് കാരണമെന്നാണ് സൂചന. ഗുരുതര പരിക്കേറ്റ സിയാഉള് ഹഖിനെ ആദ്യം ഓമശ്ശേരി സ്വകാര്യ ആശുപത്രിയിലും പിന്നീട് കോഴിക്കോട്ടെ സ്വകാര്യ ആശുപത്രിയിലും പ്രവേശിപ്പിച്ചു.