സര്ക്കാര് ഓഫീസുകള് ശനിയാഴ്ചകളിലും തുറന്ന് പ്രവര്ത്തിക്കും
സര്ക്കാര് ഓഫീസുകള് ശനിയാഴ്ചകളില് വീണ്ടും തുറന്ന് പ്രവര്ത്തിക്കാന് ഉത്തരവായി. കൊവിഡ് വ്യാപനം രൂക്ഷമായ സമയത്താണ് സര്ക്കാര് ഓഫീസുകള്ക്കും പൊതുമേഖല സ്ഥാപനങ്ങള്ക്കും ശനിയാഴ്ച അവധി പ്രഖ്യാപിച്ചത്. ഇപ്പോള് വൈറസ് വ്യാപനം കുറഞ്ഞ സാഹചര്യത്തിലാണ് ശനിയാഴ്ച വീണ്ടും പ്രവൃത്തി ദിവസമാക്കാന് തീരുമാനിച്ചത്.
വരുന്ന ശനിയാഴ്ച മുതല് ഉത്തരവ് ബാധകമായിരിക്കും. മുഴുവന് ഉദ്യോഗസ്ഥരും ശനിയാഴ്ചകളില് ജോലിക്ക് ഹാജരാകണമെന്ന് ചീഫ് സെക്രട്ടറി നിര്ദ്ദേശിച്ചു. കൊവിഡ് വ്യാപനം കുറയുകയും വാക്സിനേഷന് വളരെ വേഗം മുന്നോട്ട് പോകുകയും ചെയ്യുന്ന സാഹചര്യത്തിലാണ് സംസ്ഥാനത്ത് കൂടുതല് ഇളവുകള് പ്രഖ്യാപിക്കുന്നത്.