ദേശീയ തൊഴിലുറപ്പ് പദ്ധതിയില്‍ കേരളത്തിന് റെക്കോഡ് നേട്ടമെന്ന് സര്‍ക്കാര്‍
കേരളം: ദേശീയ തൊഴിലുറപ്പ് പദ്ധതിയില്‍ റെക്കോര്‍ഡ് നേട്ടം കൈവരിച്ചുവെന്നും കഴിഞ്ഞ ആയിരം ദിവസങ്ങള്‍ക്കുള്ളില്‍ 19.17 കോടി തൊഴില്‍ ദിനങ്ങള്‍ പദ്ധതിയുടെ ഭാഗമായി സൃഷ്ടിക്കുവാന്‍ കഴിഞ്ഞതായും മുഖ്യമന്ത്രിയുടെ ഓഫീസ് അറിയിച്ചു.
ഹരിത സമൃദ്ധി പ്രവര്‍ത്തനങ്ങള്‍ക്കടക്കം തൊഴിലുറപ്പ് തൊഴിലാളികളെ ഉപയോഗിച്ചതായും അംഗീകരിച്ച ലേബര്‍ ബജറ്റിനേക്കാള്‍ നേട്ടം തൊഴിലുറപ്പ് മേഖലയില്‍ കേരള സര്‍ക്കാരിന് സൃഷ്ടിക്കുവാന്‍ കഴിഞ്ഞെന്നും മുഖ്യമന്ത്രിയുടെ ഓഫീസ് ഔദ്യോഗിക ഫെയ്സ്ബുക്ക് പേജിലൂടെ വ്യക്തമാക്കി.
പദ്ധതിയുടെ വേതന വിതരണത്തിലും കാര്യക്ഷമമായ ഇടപെല്‍ നടത്തിയതായും പേജില്‍ പറയുന്നു
