ഓണം വിപണനമേളയ്ക്ക് തുടക്കമായി
കൊയിലാണ്ടി: ചേമഞ്ചേരി ഗ്രാമപഞ്ചായത്ത് ഓണം വിപണനമേളയ്ക്ക് തുടക്കമായി. ബ്ലോക്ക് പഞ്ചായത്ത് പ്രസിഡണ്ട് പി. ബാബുരാജ് ഉദ്ഘാടനം ചെയ്തു. അബൂബക്കർ ഹാജിക്ക് പച്ചക്കറി കിറ്റ് നൽകിക്കൊണ്ട് കുടുംബശ്രീ ജില്ലാ മിഷൻ ഡിഎംസി പി.സി. കവിത ആദ്യ വിൽപ്പന നടത്തി. ഗ്രാമ പഞ്ചായത്ത് ക്ഷേമകാര്യ സ്റ്റാൻഡിങ്ങ് കമ്മിറ്റി ചെയർമാൻ അബ്ദുൾ ഹാരിസ് അധ്യക്ഷത വഹിച്ചു.
ചടങ്ങിൽ ഗ്രാമ പഞ്ചായത്ത് പ്രസിഡണ്ട് സതി കിഴക്കയിൽ, സ്റ്റാൻഡിങ്ങ് കമ്മിറ്റി ചെയർപേഴ്സൺമാരായ സന്ധ്യാ ഷിബു, അതുല്ല്യ ബൈജു, മെമ്പർ പി.ശിവദാസൻ എന്നിവർ സംസാരിച്ചു. പൂക്കാലമത്സര വിജയികൾക്ക് പഞ്ചായത്ത് സെക്രട്ടറി സാബിത സമ്മാനം നൽകി. സി.ഡി.എസ്.ചെയർപേഴ്സൺ ആർ.പി. വത്സല സ്വാഗതമാശംസിച്ച ചടങ്ങിന് വൈസ് ചെയർപേഴ്സൺ ഷൈമ നന്ദി പറഞ്ഞു.
