എളാട്ടേരി അരുൺ ലൈബ്രറിയുടെ നേതൃത്വത്തിൽ പി ജയചന്ദ്രൻ അനുസ്മരണം നടത്തി
കൊയിലാണ്ടി: എളാട്ടേരി അരുൺ ലൈബ്രറിയുടെ നേതൃത്വത്തിൽ പി ജയചന്ദ്രൻ അനുസ്മരണം നടത്തി. പുരോഗമന കലാസാഹിത്യ സംഘം കൊയിലാണ്ടി മേഖലാ സെക്രട്ടറി മധു കിഴക്കയിൽ അനുസ്മരണ പ്രഭാഷണം നടത്തി. ലൈബ്രറി പ്രസിഡണ്ട് എൻ. എം നാരായണൻ മാസ്റ്റർ അധ്യക്ഷത വഹിച്ചു. സെക്രട്ടറി ഇ. നാരായണൻ, കെ ജയന്തി ടീച്ചർ, വനിത വേദി പ്രസിഡണ്ട് കെ റീന, ലൈബ്രറി രക്ഷാധികാരികളായ കെ. ദാമോദരൻ മാസ്റ്റർ, എൻ ശ്രീധരൻ ലൈബ്രേറിയൻ ടി. എം. ഷീജ എന്നിവർ സംസാരിച്ചു.
.
അനുസ്മരണത്തോടനുബന്ധിച്ചുള്ള ‘ജയഗീതം’ പരിപാടിയിൽ താലൂക്കിന്റെ വിവിധ ഭാഗങ്ങളിൽ നിന്നെത്തിയ 17 ഗായകർ ജയചന്ദ്രന്റെ ഗാനങ്ങളിലൂടെ മലയാളത്തിൻ്റെ ഭാവഗായകന് സ്മരണാഞ്ജലി അർപ്പിച്ചു. ലൈബ്രറിയുമായി സഹകരിച്ച് സുരക്ഷാ പാലിയേറ്റീവ് ആരോഗ്യ മേഖലയിൽ വിവിധ മെഡിക്കൽ പരിശോധനകൾ നടത്തി. രോഗികൾക്കുള്ള ഹെൽത്ത് കാർഡ് വടക്കേടത്ത് ശ്രീധരൻ നായർ ലൈബ്രറി പ്രസിഡണ്ടിന് കൈമാറി.
