എം പി ഗോപാലൻ അനുസ്മരണം നടത്തി
എം പി ഗോപാലൻ അനുസ്മരണം നടത്തി കൊയിലാണ്ടി ആർ ശങ്കർ മെമ്മോറിയൽ എസ് എൻ ഡി പി യോഗം കോളേജ് സ്‌ഥാപകനും, ദീർഘകാല എസ് എൻ ഡി പി യോഗം കൊയിലാണ്ടി യൂണിയൻ പ്രസിഡണ്ട്, സെക്രട്ടറി എന്നി സ്ഥാനങ്ങൾ വഹിക്കുകയും, പഴയകാല കോൺഗ്രസ്‌ നേതാവുമായിരുന്ന എം. പി ഗോപാലന്റെ 11മത് ചരമദിനം കൊയിലാണ്ടി എസ് എൻ ഡി പി യൂണിയൻ ആഭിമുഖ്യത്തിൽ ആചരിച്ചു. കാലത്ത് പുഷ്പാർച്ചന നടന്നു.
തുടർന്ന് നടന്ന അനുസ്മരണ സമ്മേളനം എസ് എൻ ഡി പി യോഗം കൊയിലാണ്ടി യൂണിയൻ സെക്രട്ടറി പറമ്പത്ത് ദാസൻ ഉദ്ഘാടനം ചെയ്തു. പ്രസിഡണ്ട് കെ. എം രാജീവൻ അധ്യക്ഷത വഹിച്ചു. ബോർഡ്‌ മെമ്പർ കെ. കെ ശ്രീധരൻ, കൌൺസിൽ അംഗങ്ങളായ പി. വി പുഷ്പരാജ്, കുഞ്ഞികൃഷ്ണൻ കെ. കെ,യൂണിയൻ കമ്മിറ്റി അംഗങ്ങൾ ആയ കെ. എം ഷാജി, എം. പി ദിനേശൻ, പി. വി ചന്ദ്രൻ, എം. പി ദാസൻ, എം. പി ലീല, ആശാദേവി, ലക്ഷ്മി നടുക്കണ്ടി എന്നിവർ സംസാരിച്ചു. യൂണിയൻ കൌൺസിൽ അംഗം ചോയിക്കുട്ടി സ്വാഗതവും സുരേഷ് മേലെപുറത്ത് നന്ദിയും പറഞ്ഞു.
