വാട്ടർ പ്യൂരിഫയർ വിതരണം ചെയ്തു
കോഴിക്കോട്: നാഷണൽ എൻ.ജി.ഒ. കോൺഫെഡറേഷൻ കാർബിക് ഇന്ത്യ ലിമിറ്റഡ് കമ്പനിയുടെ സഹായത്തോടുകൂടി കോഴിക്കോട് ജില്ലയിൽ വാട്ടർ പ്യൂരിഫയർ വിതരണം ചെയ്തു. ചടങ്ങ് സി.എം.ഐ.എക്സിക്യൂട്ടീവ് ഡയറക്ടർ ഫാദർ സിബി പുളിക്കൽ ഉദ്ഘാടനം ചെയ്തു. ശുദ്ധമായ കുടിവെള്ളം സമൂഹത്തിന് പ്രധാനം ചെയ്യുന്നതിൽ നാഷണൽ എൻ.ജി.ഒ. കോൺഫെഡറേഷൻ്റെ പ്രവർത്തനങ്ങൾ മഹത്തരമാണെന്ന് ഉദ്ഘാടന പ്രസംഗത്തിൽ അദ്ദേഹം സൂചിപ്പിച്ചു.
കോഴിക്കോട് അമലാപുരി ഹാളിൽ വെച്ചു നടന്ന ചടങ്ങിൽ ജില്ലാ പ്രസിഡണ്ട് മോഹനൻ കോട്ടൂർ അദ്ധ്യക്ഷത വഹിച്ചു. എൻ.എൻ.ജി.ഒ.ഡയറക്ടർ ബേബി കിഴക്കെ ഭാഗം മുഖ്യ പ്രഭാഷണം നടത്തി. അഡ്വ. പി. ജാനകി, ജോയ് നെടുംമ്പള്ളി തുടങ്ങിയവർ ആശംസാ പ്രസംഗം നടത്തി. സിദ്ധാർത്ഥൻ, ഷീന, സബീർ, പ്രജീഷ് തുടങ്ങിയവർ പരിപാടികൾക്ക് നേതൃത്വം നല്കി. ജില്ലാ സെക്രട്ടറി പി. സുരേഷ് ബാബു സ്വാഗതവും സ്റ്റാർസ് ഡയറക്ടർ ഫാദർ ജോസ് പ്രകാശ് നന്ദിയും പറഞ്ഞു.
