ധനലക്ഷ്മി അയൽകൂട്ടത്തിൻ്റെ പ്രവർത്തനം മാതൃകാപരമെന്ന് നഗരസഭ ചെയർപേഴ്സൺ
കൊയിലാണ്ടി: കൊയിലാണ്ടി നഗരസഭ 31-ാം വാർഡിലെ ധനലക്ഷ്മിഅയൽകൂട്ടം സന്നദ്ധ പ്രവർത്തന രംഗത്ത് മാതൃകാപരമെന്ന് നഗരസഭ ചെയർപേഴ്സൺ കെ.പി സുധ പറഞ്ഞു. കൊയിലാണ്ടി നെസ്റ്റിന് ധനലക്ഷ്മി അയൽകൂട്ടം ഇത്തവണയും തെറാപ്പി ഉപകരങ്ങൾ വാങ്ങി നൽകി. മുൻ വർഷങ്ങളിലും കൊയിലാണ്ടി താലൂക്ക് ആശുപത്രി, ചേമഞ്ചേരി അഭയ സ്പെഷൽ സ്കൂൾ എന്നിവിടങ്ങളിൽ സമാനമായ രീതിയിലുള്ള സ്നേഹോപഹാരം ധനലക്ഷ്മി അയൽക്കൂട്ടം നൽകിയിരുന്നു.
അയൽക്കൂട്ടത്തിന്റെ സന്നദ്ധ പ്രവർത്തനം മാതൃകാപരമാണെന്നും തുടർന്നും ഇത്തരം പ്രവർത്തനങ്ങൾ നടത്താൻ ധനലക്ഷ്മി അയൽക്കൂട്ടത്തിന് സാധിക്കട്ടെ എന്നും നഗരസഭാ ചെയർപേഴ്സൺ ചടങ്ങ് ഉദ്ഘാടനം ചെയ്തു കൊണ്ട് പറഞ്ഞു. വാർഡ് കൗൺസിലർ ദൃശ്യ. എം അധ്യക്ഷത വഹിച്ച ചടങ്ങിൽ ക്ഷേമ കാര്യ സ്റ്റാൻ്റിംഗ് കമ്മിറ്റി ചെയർ മാൻ കെ. ഷിജു മാസ്റ്റർ, നെസ്റ്റിൻ്റെ ഭാരവാഹി ബഷീർ, എ ഡി.എസ് സെക്രട്ടറി പ്രീതി, ശ്രീജ വല്ലത്ത്, ഉഷ കുപ്പേരി, സുജാത വല്ലത്ത് എന്നിവർ സംസാരിച്ചു.
