എസ്എൻഡിപി കോളജിലെ അക്രമവുമായി ബന്ധപ്പെട്ട് 5 വിദ്യാർത്ഥികളെ സസ്പെൻ്റ് ചെയ്തു

കോഴിക്കോട്: കൊയിലാണ്ടി എസ്എൻഡിപി കോളജിലെ കേസുമായി ബന്ധപ്പെട്ട് അഞ്ച് വിദ്യാർത്ഥികൾക്ക് സസ്പെൻഷൻ. എസ് എഫ് ഐ യൂണിറ്റ് സെക്രട്ടറി അനുനാഥിൻ്റെ പരാതിയിൽ മുഹമ്മദ് ഷഫാഖ്, ആദിത്യൻ, ആദർശ് എന്നവർക്കും, അമൽ എന്ന രണ്ടാം വർഷ വിദ്യാർത്ഥിയെ മർദ്ദിച്ചെന്ന പരാതിയിൽ എസ് എഫ് ഐ യൂണിറ്റ് സെക്രട്ടറി അനുനാഥ് എ ആർ, അഖിൽ കൃഷ്ണ ആർ എന്നിവർക്കെതിരെയുണ് നടപടിയെടുത്തത്.

അഞ്ച് പേരും കുറ്റക്കാരാണെന്ന് പ്രാഥമികമായി കണ്ടെത്തിയതിൻ്റെ അടിസ്ഥാനത്തിലാണ് പ്രഥമിക നടപടി സ്വീകരിച്ചത്. അതേസമയം കോളജ് ചുമതലപ്പെടുത്തിയ അന്വേഷണ കമ്മീഷന്റെയും റാഗിംഗ് കമ്മറ്റിയുടേയും റിപ്പോർട്ട് വന്ന ശേഷമായിരിക്കും കൂടുതൽ തീരുമാനങ്ങളെടുക്കുക. പൊലീസ് അന്വേഷണവും തുടരുകയാണ്.