അകമ്പാടത്തെ ആദിവാസികൾക്ക് 110 പട്ടയങ്ങൾ കൂടി വിതരണം ചെയ്യും; കെ രാജൻ
![](https://koyilandydiary.com/wp-content/uploads/2023/11/37-5-1024x943.jpg)
മലപ്പുറം: സർക്കാറിന്റെ മൂന്നാം വാർഷികത്തിന് മുമ്പ് അകമ്പാടത്തെ ആദിവാസികൾക്ക് 110 പട്ടയങ്ങൾ കൂടി വിതരണം ചെയ്യുമെന്ന് മന്ത്രി കെ രാജൻ. അരീക്കോട് പഞ്ചായത്ത് സ്റ്റേഡിയത്തിൽ നടന്ന ഏറനാട് മണ്ഡലത്തിലെ നവകേരള സദസ്സിൽ സംസാരിക്കുകയായിരുന്നു അദ്ദേഹം.
![](https://koyilandydiary.com/wp-content/uploads/2022/09/thayyil-ad-wide-e1720783911127.jpg)
പ്രകടന പത്രികയിലെ 600 വാഗ്ദാനങ്ങളിൽ 582 എണ്ണം നടപ്പാക്കിയാണ് ഈ സർക്കാർ വീണ്ടും അധികാരത്തിലെത്തിയത്. 2878 പട്ടയങ്ങളാണ് ഇതുവരെ ഏറനാട് മണ്ഡലത്തിൽ വിതരണം ചെയ്തത്. സർക്കാറിന് കടപ്പാടുള്ളത് ജനങ്ങളോടു മാത്രമാണ്.
![](https://koyilandydiary.com/wp-content/uploads/2022/09/IMG-20240611-WA0019.jpg)
ജനങ്ങളാണ് യജമാനൻ. 600 രൂപയായിരുന്ന ക്ഷേമപെൻഷൻ 1600 രൂപയാക്കി ഉയർത്തി. ഏഴര വർഷം കൊണ്ട് 57,000 കോടി രൂപയാണ് കേരളത്തിൽ പെൻഷനായി ചെലവഴിച്ചത്. നിപ്പ, കൊവിഡ്, പ്രളയം, ഓഖി തുടങ്ങി ഏത് പ്രതിസന്ധിയിലും ഈ സർക്കാർ ജനങ്ങളെ ചേർത്ത് നിർത്തുകയാണെന്നും അദ്ദേഹം കൂട്ടിച്ചേർത്തു.
![](https://koyilandydiary.com/wp-content/uploads/2022/09/SPECIALITY-AD-WIDE-1024x302-1.jpg)
![](https://koyilandydiary.com/wp-content/uploads/2022/09/IMG-20240613-WA0139.jpg)