ഫ്രക്കിള്സിനെ ഇല്ലാതാക്കാനും നഷ്ടപ്പെട്ട നിറം വീണ്ടെടുക്കാനും ചില മാര്ഗ്ഗങ്ങള്
ശരീരത്തില് എവിടെയെങ്കിലും മറുകില്ലാത്തവര് ചുരുക്കമായിരിക്കും. എന്നാല് സൗന്ദര്യത്തിന് വില്ലനാകുന്ന സ്ഥലത്താണ് മറുകെങ്കിലോ? അത് പലപ്പോഴും നമ്മുടെ ഉറക്കം കെടുത്തുന്നവയായിരിക്കും. എന്നാല് ഫ്രക്കിള്സ് എന്നറിയപ്പെടുന്ന തരത്തില് മറുക് പോലെ കാണപ്പെടുന്ന ചര്മ്മ പ്രശ്നം പലരുടേയും ആത്മവിശ്വാസത്തെ ഇല്ലാതാക്കുന്നു. എന്നാല് ഇനി ഫ്രക്കിള്സിനെ ഇല്ലാതാക്കാനും നഷ്ടപ്പെട്ട നിറം വീണ്ടെടുക്കാനും ചില മാര്ഗ്ഗങ്ങളുണ്ട്.
നാരങ്ങ നീരും മഞ്ഞളും ആണ് ഇതിനായി ആദ്യം ആവശ്യമുള്ള സാധനങ്ങള്. നാരങ്ങ നീരും മഞ്ഞള്പ്പൊടിയും കൊണ്ട് മാത്രം ഫ്രക്കിള്സ് ഇല്ലാതാക്കാം.
അല്പം നാരങ്ങ നീരില് മഞ്ഞള്പ്പൊടി മിക്സ് ചെയ്ത് ഫ്രക്കിള്സ് ഉള്ള ഭാഗങ്ങളില് പുരട്ടുക. 15 മിനിട്ടിനു ശേഷം കഴുകിക്കളയാം. ദിവസവും ഇത്തരത്തില് ചെയ്താല് ഒരാഴ്ച കൊണ്ട് തന്നെ പ്രകടമായ മാറ്റം ഉണ്ടാവും.
സൂര്യപ്രകാശം അധികം കൊള്ളാതെ സൂക്ഷിക്കണം. ഇത് പലപ്പോഴും മെലാനിന് ഉത്പാദനം വര്ദ്ധിപ്പിക്കുന്നു.
കുളിയ്ക്കുന്നതിനു മുന്പ് തന്നെ ഈ മിശ്രിതം പുരട്ടിയിട്ടു വേണം കുളിയ്ക്കാന്. ഇത് മുഖത്ത് പുരട്ടി 15 മിനിട്ടിനു ശേഷം മാത്രം കുളിയ്ക്കുക.
ശരീരത്തിന് നിറം നല്കാന് സഹായിക്കുന്ന ആന്റി ഇന്ഫഌമേറ്ററി ഘടകങ്ങള് ധാരാളം മഞ്ഞളില് ഉണ്ട്. മാത്രമല്ല നാരങ്ങ ചര്മ്മത്തിന്റെ തിളക്കം വര്ദ്ധിപ്പിക്കുകയും ചെയ്യുന്നു.
അമിതമായി സമ്മര്ദ്ദമനുഭവിയ്ക്കുന്നവരിലാണ് ഫ്രക്കിള്സ് കാണപ്പെടുന്നത്. മാത്രമല്ല പല തരത്തിലുള്ള ശസ്ത്രക്രിയയ്ക്ക് വിധേയരായിട്ടുള്ളവരിലും ഇത്തരത്തില് ഫ്രക്കിള്സ് കാണപ്പെടുന്നു.