അക്രമാസക്തമായ ബിജെപി ഹർത്താൽ കേരളീയരുടെ സമാധാന ജീവിതത്തിന് വെല്ലുവിളി : കോടിയേരി
തിരുവനന്തപുരം > അക്രമാസക്തമായ ബിജെപി ഹർത്താൽ കേരളീയരുടെ സമാധാന ജീവിതത്തിന് വെല്ലുവിളിയായെന്ന് സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണൻ പറഞ്ഞു.
ഹർത്താലിന്റെ മറവിൽ ജനങ്ങൾക്കും മാധ്യമപ്രവര്ത്തകർക്കും, വാഹനങ്ങൾക്കും, കടകൾക്കും സർക്കാർ ആഫീസുകൾക്കും, പോലീസിനും നേരെ നികൃഷ്ടമായ അക്രമണങ്ങളാണ് ബിജെപിയും-ആർഎസ്എസ്സും നടത്തിയത്. ജനങ്ങൾ തള്ളിയ ഹർത്താലിനെ കായികബലം കൊണ്ട് വിജയിപ്പിക്കാനായിരുന്നു ശ്രമം. എൽ.ഡി.എഫ്. സർക്കാർ അധികാരത്തിൽ വന്നശേഷം അഞ്ച് സി.പി.ഐ എം പ്രവർത്തകരെ അരുംകൊലചെയ്തതിന് മറയിടാന് ബി.ജെ.പി. നടത്തിയ ഹർത്താൽ പരിഹാസ്യമായി. വഴിപിഴച്ച ഹർത്താലിലൂടെ സംഘപരിവാറിന്റെ തനിനിറം ജനങ്ങൾ കൂടുതലായി മനസ്സിലാക്കിയിരിക്കുകയാണ്.