നന്തി കിഴൂർ റോഡ് അടക്കാൻ അനുവദിക്കില്ലെന്ന് ജനകീയ കമ്മിറ്റി
.
നന്തി കിഴൂർ റോഡ് അടക്കാൻ അനുവദിക്കില്ലെന്ന് മൂടാടി പഞ്ചായത്ത് ജനകീയ കമ്മിറ്റി. അനിശ്ചിത കാല സമരം സംഘടിപ്പിക്കുമെന്ന് നേതാക്കൾ. ബൈപ്പാസ് കടന്നുപോകുന്നത് നിലവിൽ പൊതുമരാമത്ത് വകുപ്പിൻ്റ ഉടമസ്ഥതയിലുള്ളതും മൂടാടി – തിക്കോടി പഞ്ചായത്തുകളിലുടെയും, പയ്യോളി നഗരസഭയിലുടെയും കടന്ന് പോകുന്ന നന്തി – കിഴുർ റോഡിലൂടെയുമാണ്. ഈ റോഡിനെ പുതിയ എൻഎച്ചിൻ്റ ഭാഗമായ സർവീസ് റോഡിലേക്ക് കണക്റ്റ് ചെയ്യുമെന്നാണ് NH Al അധികൃതർ പറയുന്നത്.
.
.
വളരെ വീതികുറഞ്ഞ സർവീസ് റോഡിൽ ഇരുഭാഗത്തേക്കും വലിയ വാഹനങ്ങൾക്ക് സഞ്ചരിക്കാൻ സാധിക്കില്ല. ഇത് വലിയ ഗതാഗതക്കുരുക്കിന് ഇടയാകും. ഈ പ്രശ്നം പരിഹരിക്കണമെന്നാവശ്യപ്പെട്ട് ഗ്രാമപഞ്ചായത്ത് വിളിച്ച് ചേർത്ത സർവ്വകക്ഷി യോഗത്തിൽ വച്ചാണ് രാമകൃഷൻ കിഴക്കയിൽ ചെയർമാനും വി.വി. സുരേഷ് കൺവീനറുമായി ആക്ഷൻ കമ്മിറ്റി രൂപികരിച്ചത്. മുഖ്യമന്ത്രി കേന്ദ്ര ഉപരിതല ഗതാഗതമന്ത്രി മറ്റു ജനപ്രതിനിധികൾ എന്നിവർക്ക് നിവേദനം നൽകുകയും സമരപരിപാടികളും നടത്തിയിരുന്നു.
.
.
ഇപ്പോൾ റോഡ് പണി പുനരാരംഭിച്ചപ്പോൾ നന്തി – കിഴുർ റോഡ് അടക്കുന്ന സാഹചര്യമാണുള്ളത്. ഇതിനെതിരായി ശക്തമായ പ്രക്ഷോഭം ആരംഭിക്കാനാണ് കമ്മിറ്റി ഇപ്പോൾ തീരുമാനിച്ചിട്ടുള്ളത്. ഒക്ടോബർ 3ന് വൈകിട്ട് 5 മണിക്ക് സമര പ്രഖ്യാപന കൺവെൻഷൻ നന്തിയിൽ നടക്കും.
.
.
യോഗത്തിൽ പ്രസിഡൻ്റ് സി.കെ. ശ്രീകുമാർ, കെ ജീവാനന്ദൻ മാസ്റ്റർ, പപ്പൻ മൂടാടി, റഫീഖ് പുത്തലത്ത്, കെ സത്യൻ, ഭാസ്കരൻ ചേന്നോത്ത്, കെ.എം. കുഞ്ഞിക്കണാരൻ, ഷംസീർ മുത്തായം, പവിത്രൻ ആതിര, ബിജീഷ് യു.വി,എന്നിവർ സംസാരിച്ചു. ചെയർമാൻ രാമകൃഷ്ണൻ കിഴക്കയിൽ – അധ്യക്ഷതവഹിച്ചു. വി.വി. സുരേഷ് സ്വഗതം പറഞ്ഞു.
