പയറ്റുവളപ്പിൽ ശ്രീ ദേവി ക്ഷേത്ര മഹോത്സവം ഫിബ്രവരി 6ന് കൊടിയേറും
കൊയിലാണ്ടി: പയറ്റുവളപ്പിൽ ശ്രീ ദേവി ക്ഷേത്ര മഹോത്സവം ഫിബ്രവരി 6ന് കൊടിയേറും. രാത്രി 7. 45 നുള്ളിൽ കൊടിയേറും. 11 ന് സമാപിക്കും. തുടർന്ന് മാതൃ സമിതി ഒരുക്കുന്ന ഭജന, 8.30 ന് ശ്രീഭൂതബലി എഴുന്നള്ളിപ്പ്, 9 മണിക്ക് പ്രാദേശിക കലാകാരൻമാരുടെ നൃത്ത സന്ധ്യ. 7 -2- 25 വെള്ളിയാഴ്ച രാവിലെ 8 മണിക്ക് ശ്രീഭൂതബലി, 8.30 ന് കാഴ്ച ശീവേലി, 8.30 ന് ഗിരീഷ് പുത്തഞ്ചേരി നൈറ്റ്, ഗാനമേള, 8-2-25 രാവിലെ 10 മണിക്ക് ഭദ്രകാളി അമ്മയ്ക്ക് വിശേഷാൽ നവക പഞ്ചഗവ്യ കലശാഭിഷേകം, 11.30 മുതൽ 3 മണിക്ക് വരെ സമൂഹസദ്യ, വൈകു 6 മണിക്ക് പുഷ്പാഭിഷേകം എഴുന്നള്ളിപ്പ്, രാത്രി സരുൺ മാധവ്, ജഗന്നാഥൻ രാമനാട്ടുകര ഡബിൾ തായമ്പക, 10.30 ന് നാന്ദകം എഴുന്നള്ളിപ്പ്.
9 ന് വലിയവിളക്ക്. രാവിലെ 7 മണിക്ക് വിദ്യാ മന്ത്ര പുഷ്പാർച്ചന, അരങ്ങോല വരവുകൾ, വൈകുന്നേരം 6 മണിക്ക് സഹസ്ര ദീപ കാഴ്ച, രാത്രി 11.30ന് നാന്ദകം എഴുന്നള്ളിപ്പ്. 10- 2- 25ന് താലപ്പൊലി. രാവിലെ 10.30 പാൽ എഴുന്നള്ളിപ്പ്, 11.30 ന് ആറാട്ട് കുട വരവ്. 3.30 ന് ഇളനീർ കുല വരവ്, 4 മണി മുതൽ കുട്ടിച്ചാത്തൻ തിറ, ദീപാരാധനയ്ക്ക് ശേഷം ദേവീ ദേവൻമാരുടെ താലപ്പൊലി എഴുന്നള്ളിപ്പ്, പുരന്ദരദാസ്, കേരളശ്ശേരി സുബ്രഹമണ്യൻ, പയറ്റുവളപ്പിൽ മണി, കേരളശ്ശേരി രാമൻകുട്ടി ആശാൻ എന്നിവരുടെ നേതൃത്വത്തിൽ പാണ്ടിമേളത്തോടെ നാന്ദകത്തോടെ താലപ്പൊലി എഴുന്നള്ളിപ്പ്, ഭഗവതി തിറ, പള്ളിവേട്ട.
11 -2- 25 രാവിലെ പള്ളിയുണർത്തൽ, കണി കാണിക്കൽ, വൈകുന്നേരം 4 മണിക്ക് ആറാട്ട് പുറപ്പാട്, ചെറിയമങ്ങാട് കടപ്പുറത്ത് കർമ്മങ്ങൾക്ക് ശേഷം തിരിച്ചെത്തി വെളളിത്തിരുത്തി ഉണ്ണി നായരുടെ പ്രമാണത്തിൻ കലാമണ്ഡലം ശിവദാസ്, സദനം രാജേഷ്, കീനൂർ മണികണഠൻ, തിരുവള്ളൂർ ഗിരീഷ്, അയിലൂർ കൃഷ്ണദാസ്, സാജു കൊരയങ്ങാട്, തുടങ്ങിയവർ അണിനിരക്കുന്ന പാണ്ടിമേളം, രാത്രി. 12 ന് വലിയ ഗുരിതി തർപ്പണത്തോടെ ഉത്സവം സമാപിക്കും.
