ഭക്ഷ്യ സുരക്ഷാ വകുപ്പ് വ്യപകമായ പരിശോധനകള് നടത്തി: മന്ത്രി വീണാ ജോര്ജ്
തിരുവനന്തപുരം: നല്ല ഭക്ഷണം നാടിന്റെ അവകാശം’ എന്ന കാമ്പയിന്റെ ഭാഗമായി ഓണക്കാലത്ത് ഭക്ഷ്യ സുരക്ഷാ വകുപ്പ് വ്യപകമായ പരിശോധനകള് നടത്തിയതായി ആരോഗ്യ വകുപ്പ് മന്ത്രി വീണാ ജോര്ജ്. എല്ലാ ജില്ലകളിലും സ്പെഷ്യല് സ്ക്വാഡ് രൂപികരിച്ച് ഒരാഴ്ച നീണ്ടുനിന്ന പരിശോധനയില് 2977 സ്ഥാപനങ്ങള് പരിശോധിച്ചു. 418 സ്ഥാപനങ്ങള്ക്ക് ന്യൂനതകള് പരിഹരിക്കാന് നോട്ടിസ് നല്കി. 246 സ്ഥാപനങ്ങള്ക്ക് ഫൈന് ചുമത്തി നോട്ടീസ് നല്കിയതായും മന്ത്രി വ്യക്തമാക്കി.
വൃത്തിഹീനമായും ലൈസന്സ് ഇല്ലാതെയും പ്രവര്ത്തിച്ച 16 സ്ഥാപനങ്ങളുടെ പ്രവര്ത്തനം നിര്ത്തിവയ്പ്പിച്ചു. 108 പായ്ക്കറ്റ് കേടായ പാല്, 12 കിലോ ഇറച്ചി, 20 കിലോ മത്സ്യം, 64 കിലോ കേടായ പഴങ്ങളും മറ്റ് ഭക്ഷ്യ വസ്തുക്കളും പിടിച്ചെടുത്ത് നശിപ്പിച്ചു.
![](https://koyilandydiary.com/wp-content/uploads/2022/09/IMG-20240611-WA0019.jpg)
പാലിന്റെ 120 സാമ്പിളുകള്, നെയ്യ്, പയര്, പരിപ്പ്, ശര്ക്കര, വെളിച്ചെണ്ണ, ചിപ്സ്, പലഹാരങ്ങള് തുടങ്ങിയവയുടെ 1119 സാമ്പിളുകളും പരിശോധനക്കായി ശേഖരിച്ച് ലാബില് അയച്ചു. റിപ്പോര്ട്ട് ലഭിക്കുന്നതിനനുസരിച്ച് തുടര് നടപടികള് സ്വീകരിക്കുന്നതാണ്.
![](https://koyilandydiary.com/wp-content/uploads/2022/09/SPECIALITY-AD-WIDE-1024x302-1.jpg)
![](https://koyilandydiary.com/wp-content/uploads/2022/09/IMG-20240613-WA0139.jpg)