ശിവകാര്ത്തികേയന് നായകനാകുന്ന റെമോ എന്ന ചിത്രത്തിന്റെ റിലീസിങ് ഒക്ടോബര് 7 ന്
ശിവകാര്ത്തികേയന് നായകനാകുന്ന റെമോ എന്ന ചിത്രത്തിന്റെ ഓഡിയോ ലോഞ്ച് എആര് റഹ്മാന് നിര്വ്വഹിച്ചു. ഒക്ടോബര് 7 നാണ് ചിത്രത്തിന്റെ റിലീസിങ് ഒരുക്കിയിരിക്കുന്നത്. ലോകത്തെമ്പാടുമുള്ള തിയേറ്ററുകളില് അന്നേ ദിവസത്തില് ചിത്രം റിലീസ് ചെയ്യാനാണ് തീരുമാനം.
പുതുമുഖ സംവിധായകനായ ഭാഗ്യരാജ് കണ്ണനാണ് ചിത്രത്തിന്റെ സംവിധായകന്. 24എഎം സ്റ്റുഡിയോസിന്റെ ബാനറില് ആര്ഡി രാജയാണ് ചിത്രം നിര്മ്മിക്കുന്നത്. അനിരുദ്ധ് രവി ചന്ദറാണ് സംഗീത സംവിധാനം നിര്വ്വഹിച്ചിരിക്കുന്നത്. ചിത്രത്തിന്റെ ഓഡിയോ ലോഞ്ച് എആര് റഹ്മാന് തന്റെ ട്വിറ്റര് അക്കൗണ്ടിലൂടെയാണ് നിര്വ്വഹിച്ചത്. ചിത്രത്തിലെ ഗാനങ്ങള്ക്ക് സോഷ്യല് മീഡിയയില് നിന്നും മികച്ച പ്രതികരണമാണ് ലഭിക്കുന്നത്.