വയനാട്ടില് വന് സ്ഫോടക വസ്തു ശേഖരം പിടികൂടി
സുല്ത്താന് ബത്തേരി: വയനാട്ടില് വന് സ്ഫോടക വസ്തു ശേഖരം പിടികൂടി. ലോറിയില് ഉള്ളിച്ചാക്കുകള്ക്കിടയില് ഒളിപ്പിച്ചുകടത്തുകയായിരുന്ന സ്ഫോടക വസ്തുക്കളാണ് പിടികൂടിയത്. കര്ണാടകയില് നിന്നും കേരളത്തിലേക്ക് ലോറിയില് കടത്തുകയായിരുന്ന വന് സ്ഫോടക വസ്തു ശേഖരമാണ് ബത്തേരി പോലീസ് പിടികൂടിയത്. 200 പെട്ടികളില് ജലാറ്റിന് സ്റ്റിക്കുകളും വെടിയുപ്പും 10 പെട്ടി തിരികളുമാണ് കണ്ടെത്തിയത്.
രഹസ്യവിവരത്തെത്തുടര്ന്ന് ഇന്ന് രാവിലെ എട്ടോടെ മുത്തങ്ങയിലെ തകരപ്പാടിയില് നടത്തിയ പരിശോധനയിലാണ് സ്ഫോടക വസ്തുവുമായി വന്ന ലോറി പിടികൂടിയത്. ഇതുമായി ബന്ധപ്പെട്ട് നാല് പേരെ പോലീസ് അറസ്റ്റ് ചെയ്തു. ലോറി ഡ്രൈവര് തൃശൂര് ദേശമംഗലം സ്വദേശികളായ സത്യനേശന് (59), ക്ലീനര് കൃഷ്ണകുമാര് (40) എന്നിവരും ലോറിക്കു മുന്നിലായി പൈലറ്റ് കാറില് വന്നിരുന്ന തമിഴ്നാട് സ്വദേശികളായ രംഗനാഥന് (38) സുരളി കൃഷ്ണന് (36) എന്നിവരുമാണ് പിടിയിലായത്.
ബംഗളുരുവില് നിന്നും മഞ്ചേരിയിലേക്കാണ് സ്ഫോടക വസ്തു കൊണ്ടുവരുന്നതെന്നാണ് പിടിയിലായവര് പോലീസിനോട് പറഞ്ഞത്. സുല്ത്താന് ബത്തേരി പോലീസ് സ്റ്റേഷനില് എത്തിച്ച ലോറി ജില്ലാ പോലീസ് സൂപ്രണ്ട് രാജ്പാല് മീണയുടെ നേതൃത്വത്തില് പരിശോധിച്ച് വരികയാണ്.