ലൈബ്രറി ആൻഡ് റീഡിങ് റൂം ഉദ്ഘാടനം ചെയ്തു
കൊയിലാണ്ടി: കോതമംഗലം സ്കൂളിലെ പൂർവ്വ വിദ്യാർത്ഥി ആയിരുന്ന ജസ്റ്റീസ് വി. ആർ. കൃഷ്ണയ്യരുടെ സ്മരണാർത്ഥം ഏർപ്പെടുത്തിയ ലൈബ്രറി ആൻഡ് റീഡിംഗ് റൂം ഷാഫി പറമ്പിൽ എം പി ഉദ്ഘാടനം ചെയ്തു. കൊയിലാണ്ടി നഗരസഭ ചെയർപേഴ്സൺ സുധ കിഴക്കേപ്പാട്ട് അധ്യക്ഷത വഹിച്ചു. കോതമംഗലം ജിഎൽപി സ്കൂളിലേയും, കോതമംഗലം പ്രദേശത്തെ വിദ്യാർത്ഥികളെയും പഠനത്തിൽ സഹായിക്കുന്നതിനും, മിടുക്കരായ വിദ്യാർത്ഥികൾക്ക് പ്രോത്സാഹനം നൽകുന്നതിനും വേണ്ടി 45 വർഷം മുമ്പ് രൂപീകരിച്ച കോതമംഗലം പ്യുവർ പ്യൂപ്പിൾസ് ഏയ്ഡ് സൊസൈറ്റിയാണ് സ്പോൺസ്ർ ചെയ്തത്.
KPPAS പ്രസിഡണ്ട് അഡ്വ. കെ. ബി ജയകുമാർ അധ്യായന വർഷത്തിൽ നാലാം ക്ലാസിലെ ഏറ്റവും കൂടുതൽ മാർക്ക് നേടിയ അർണവ് കൃഷ്ണ എസ്. ജെക്ക് വി. വി. രാമയ്യർ സ്മാരക കാഷ് അവാർഡ് വിതരണം ചെയ്തു. KPPAS സെക്രട്ടറി കെ.കെ ദാമോദരൻ ആമുഖഭാഷണം നടത്തി. വാർഡ് കൗസിലർ എം ദൃശ്യ, പിടിഎ പ്രസിഡണ്ട് പി കെ സുരേഷ് ബാബു എന്നിവർ ആശംസ പ്രസംഗം നടത്തി. മുൻസിപ്പൽ വിദ്യഭ്യാസ സ്ഥിരം സമിതി ചെയർപേഴ്സൺ നിജില പറവക്കൊടി സ്വാഗതവും HM പി. പ്രമോദ് കുമാർ നന്ദിയും പറഞ്ഞു.
