വ്യാസ പൗർണ്ണമിയോടനുബന്ധിച്ച് ഗുരുപൂജ മഹോത്സവം
കൊയിലാണ്ടി ശ്രീ ഗുരുജി വിദ്യാനികേതൻ ഇംഗ്ലീഷ് മീഡിയം സ്ക്കൂളിൽ വ്യാസ പൗർണമിയോടനുബന്ധിച്ച് ഗുരുപൂജ മഹോത്സവം ആഘോഷിച്ചു. പ്രശസ്ത ചെണ്ടവാദ്യ കലാകാരൻ കാഞ്ഞിലശ്ശേരി വിനോദ് മാരാരെ ആദരിക്കുകയും വിദ്യാലയ സെക്രട്ടറിയുടെ കാർമ്മികത്വത്തിൽ ഗുരുപൂജ നടത്തുകയും ചെയ്തു. ഹെഡ്മാസ്റ്റർ കെ.കെ മുരളി അദ്ധ്യക്ഷത വഹിച്ചു.
മാതൃസമിതി വൈസ് പ്രസിഡണ്ട് നിമിഷ ആശംസ നേർന്നു. സേവാഭാരതി വൈസ് പ്രസിഡണ്ട് അനിൽ അരങ്ങിൽ, കാഞ്ഞിലശ്ശേരി വിനോദ് മാരാരെ പൊന്നാട അണിയിച്ചു. മാതൃസമിതി വായനാദിനത്തോടനുബന്ധിച്ച് നടത്തിയ ക്വിസ് മത്സരത്തിലെ വിജയികൾക്ക് ചടങ്ങിൽ ഉപഹാരം നൽകി. വിദ്യാലയ സെക്രട്ടറി ടി. എം രവീന്ദ്രൻ സ്വാഗതവും ശൈലജ ടീച്ചർ നന്ദിയും പറഞ്ഞു.
