വലിയങ്ങാടിയില്‍ അട്ടിമറിത്തൊഴിലാളിക്ക് സൂര്യാതാപമേറ്റു
കോഴിക്കോട്: വലിയങ്ങാടിയില്‍ അട്ടിമറിത്തൊഴിലാളിക്ക് സൂര്യാതാപമേറ്റു. വെള്ളയില്‍ തോപ്പയില്‍ നസീറി(32)നാണ് ജോലിക്കിടെ സൂര്യാതാപമേറ്റത്. വലതുകൈത്തണ്ടയില്‍ ഒന്നര ഇഞ്ചോളം നീളത്തില്‍ പൊള്ളലേറ്റ നസീര്‍ ബീച്ചാസ്പത്രിയില്‍ ചികിത്സതേടി. തിങ്കളാഴ്ച രാവിലെ പതിനൊന്നരയോടെയാണ് സംഭവം. ലോറിയുടെ മുകളില്‍ കയറി സാധനങ്ങള്‍ ഇറക്കുന്നതിനിടെ വലതുകൈയില്‍ പുകച്ചില്‍ അനുഭവപ്പെടുകയും കുമിളകള്‍ രൂപപ്പെടുകയും ചെയ്തു.
