നടന് സല്മാന് ഖാന് ജാമ്യം
ജോധ്പുര്: കൃഷ്ണ മാനിനെ വേട്ടയാടിയ കേസില് ശിക്ഷിക്കപ്പെട്ട ബോളിവുഡ് നടന് സല്മാന് ഖാന് ജാമ്യം. ജോധ്പുര് സെഷന്സ് കോടതി 50,000 രൂപയുടെ ബോണ്ടിലാണ് ജാമ്യം അനുവദിച്ചത്. നടപടികള് പൂര്ത്തിയാക്കി ഇന്ന് വൈകുന്നേരം ഏഴു മണിയോടെ സല്മാന് ജയിലിന് പുറത്തിറങ്ങും.
കൃഷ്ണ മൃഗത്തെ ആരാധിക്കുന്ന ബിഷ്ണോയ് സമുദായക്കാര് മറ്റു കേസുകളുമായി ബന്ധപ്പെട്ട് ജോധ്പൂര് ജയിലില് ശിക്ഷ അനുഭവിക്കുന്നതുകൊണ്ട് താന് സുരക്ഷിതനല്ലെന്ന് സല്മാന് ഖാന് ഹര്ജിയില് ചൂണ്ടികാട്ടി. കോടതി ആവശ്യപ്പെടുമ്ബോഴെല്ലാം ഹാജരാവാന് തയ്യാറാണെന്നും അതുകൊണ്ട് ജാമ്യം അനുവദിക്കണമെന്നും സല്മാന് ഖാന് ആവശ്യപ്പെട്ടിരുന്നു.
കേസില് സല്മാന്ഖാന് കുറ്റക്കാരനാണെന്ന് കണ്ടെത്തിയ ജോധ്പുര് ചീഫ് ജുഡീഷ്യല് മജിസ്ട്രേറ്റ് കോടതി കഴിഞ്ഞദിവസം അഞ്ചുവര്ഷം തടവും പതിനായിരം രൂപ പിഴയും വിധിച്ചിരുന്നു.
കേസില് അഞ്ചുവര്ഷം തടവും പതിനായിരം രൂപ പിഴയും വിധിച്ച ജോധ്പുര് ചീഫ് ജുഡീഷ്യല് മജിസ്ട്രേറ്റ് കോടതി വേട്ടയ്ക്കിടെ സല്മാനൊപ്പമുണ്ടായിരുന്ന സിനിമാ താരങ്ങളായ സെയ്ഫ് അലിഖാന്, സൊനാലി ബേന്ദ്ര, തബു, നീലം ഖോത്താലി എന്നിവരെ വെറുതെവിട്ടിരുന്നു.