ജനിതക മാറ്റം സംഭവിച്ച വൈറസുകളെ നേരിടാനും കേരളം സജ്ജം: മന്ത്രി കെ.കെ ശൈലജ
തിരുവനന്തപുരം: അതിവേഗം പകരുന്ന ജനിതക മാറ്റം സംഭവിച്ച കോവിഡ് വൈറസിന്റെ സാന്നിധ്യം ഇന്ത്യയിലും സ്ഥിരീകരിച്ച സാഹചര്യത്തില് കേരളത്തിലും അതീവ ജാഗ്രത. എല്ലാവരും കര്ശനമായി സാമൂഹിക അകലം പാലിക്കുകയും, കൈകള് ശുചിയാക്കുകയും, മാസ്കുകള് ധരിക്കുകയും ചെയ്യണമെന്ന് ആരോഗ്യമന്ത്രി കെ.കെ.ഷൈലജ അറിയിച്ചു.
ബ്രിട്ടനില് നിന്നെത്തിയ 18 പേര്ക്ക് കേരളത്തില് കൊവിഡ് സ്ഥിരീകരിച്ചിരുന്നു. ഇവരില് ജനിതകമാറ്റം വന്ന വൈറസ് ആണോ എന്നറിയാന് സ്രവം പുനെ വൈറോളജി ഇന്സ്റ്റിറ്റ്യൂട്ടിലേക്ക് അയച്ചിട്ടുണ്ട്. ഇവരെ പ്രത്യേകം നിരീക്ഷണത്തില് ആക്കിയിട്ടുണ്ട്. അതേസമയം, ഇന്ത്യയിലും ജനിതകമാറ്റം സംഭവിച്ച കോവിഡ് വൈറസ് ബാധ സ്ഥിരീകരിച്ചിരുന്നു. ആറു പേര്ക്കാണു നിലവില് രോഗം സ്ഥിരീകരിച്ചതെന്നു കേന്ദ്ര ആരോഗ്യമന്ത്രാലയം അറിയിച്ചു.
ഇവര് ആറു പേരും ബ്രിട്ടനില്നിന്ന് എത്തിയവരാണ്. അതിവേഗം പടരുന്ന ജനിതക മാറ്റമുള്ള കോവിഡ് വൈറസാണ് ഇന്ത്യയിലും കണ്ടെത്തിയിരിക്കുന്നത്. രോഗം സ്ഥിരീകരിച്ചവരില് മൂന്നുപേര് ബംഗളുരു നിംഹാന്സിലും രണ്ടു പേര് ഹൈദരാബാദ് സിസിഎംബിയിലും ഒരാള് പൂന എന്ഐവിയിലുമാണ് ചികിത്സയിലുള്ളത്.