ഓട്ടോ-ടാക്സി പണിമുടക്ക് പിൻവലിച്ചു
തിരുവനന്തപുരം: സംസ്ഥാനത്ത് ഓട്ടോ-ടാക്സി പണിമുടക്ക് പിൻവലിച്ചു. യൂണിയന് പ്രതിനിധികളുമായി മന്ത്രി ആൻ്റണി രാജു നടത്തിയ യോഗത്തിലാണ് തീരുമാനം. യോഗ തീരുമാനങ്ങളുടെ അടിസ്ഥാനത്തില് ഇന്നു രാത്രി മുതല് പ്രഖ്യാപിച്ചിരുന്ന പണിമുടക്കില് നിന്ന് യൂണിയന് പിന്മാറി. നിരക്കു വര്ധന വേണമെന്ന ആവശ്യം ന്യായമാണെന്ന് മന്ത്രി ആൻ്റണി രാജു പറഞ്ഞു. അത് എങ്ങനെ വേണം എന്നതില് കമ്മിറ്റി ശുപാര്ശയുടെ അടിസ്ഥാനത്തില് തീരുമാനമെടുക്കും. ഒരു മാസത്തിനകം റിപ്പോര്ട്ട് നല്കാന് കമ്മിറ്റിക്കു നിര്ദേശം നല്കും.
ഇന്ധന വിലയ്ക്കൊപ്പം മറ്റ് അനുബന്ധ ചിലവുകളും കൂടിയതിനാല് ഓട്ടോ ടാക്സി തൊഴിലാളികള് കടുത്ത സാമ്ബത്തിക ബുദ്ധിമുട്ടിലാണ്. ഈ സാഹചര്യത്തില് മിനിമം ചാര്ജ് നിലവിലുള്ളതിനേക്കാള് 5 രൂപയെങ്കിലും കൂട്ടണമെന്നാണ് തൊഴിലാളികളുടെ ആവശ്യം. ടാക്സ് നിരക്കുകള് പുതുക്കുക, പഴയ വാഹനങ്ങളുടെ ജിപിഎസ് ഒഴിവാക്കുക,സഹായപാക്കേജുകള് പ്രഖ്യാപിക്കുക തുടങ്ങിയ ആവശ്യങ്ങളും തൊഴിലാളികള് ഉന്നയിക്കുന്നു. ഇതിന് മുമ്ബ് 2018 ഡിസംബറിലാണ് സംസ്ഥാനത്ത് ഓട്ടോ, ടാക്സി നിരക്ക് ഏറ്റവുമൊടുവില് കൂട്ടിയത്. അതിന് ശേഷം പല തവണ പെട്രോളിനും ഡീസലിനും വില കൂടിയെങ്കിലും ഓട്ടോ ടാക്സി നിരക്ക് ഉയര്ത്തിയിട്ടില്ല.